Stuðningsmenn íslenska handboltalandsliðsins eru farnir að mæta í MVM Dome og þeir eru í miklu stuði.
Hátt í 500 Íslendingar verða á leiknum í kvöld og þeir hafa verið að hita upp á sportbar nálægt höllinni.
Flestir í hópnum eiga víst að sitja ansi nálægt vellinum og því alveg klárt að þeir munu láta heyra vel í sér í stóra húsinu í kvöld.
Hér að neðan má sjá smá klippu af Íslendingunum í Búdapest í kvöld en Sigurður Már Davíðsson tökumaður fann okkar fólk er það mætti.
Ísland mætir Portúgal í hinni glæsilegu MVM-höll í Búdapest í fyrsta leik sínum á Evrópumóti karla í handbolta.
Það verður seint sagt að Ungverjar séu að kafna úr stressi vegna Covid 19. Það sést best á því að hvert sæti er til sölu í hinni glæsilegu MVM Dome í Búdapest.
„Það er góður andi í hópnum og við erum fullir sjálfstrausts. Það er tilhlökkun að fara að byrja þetta,“ segir hornamaðurinn Bjarki Már Elísson meira en tilbúinn í leikinn gegn Portúgal í kvöld.
