915 greindust með kórónuveiruna innanlands í gær

Viktor Örn Ásgeirsson skrifar 9. janúar 2022 10:50

Covid test á Suðurlandsbraut Foto: Vilhelm Gunnarsson/Vilhelm Gunnarsson

Í gær greindust 915 einstaklingar smitaðir af Covid-19 innanlands og 134 á landamærunum. Það eru því aðeins færri en greindust í fyrradag en þá greindust 1.044 með kórónuveiruna innanlands. Ásókn er í sýnatöku þó er oft minni um helgar.

Í dag eru 9.365 í einangrun og 9.798 í sóttkví. 36 sjúklingar liggja nú á Landspítala með Covid. Sjö eru á gjörgæslu og fimm í öndunarvél. Í gær létust tveir karlmenn á níræðisaldri vegna Covid.

Þetta kemur fram í bráðabirgðatölum sem Almannavarnir sendu á fjölmiðla nú rétt í þessu. Af þeim sem greindust innanlands voru 410 í sóttkví eða tæp 45 prósent.

Fjöldi tekinna sýna og önnur nánari tölfræði um framgang faraldursins verða næst uppfærð á mánudaginn og birtast á Covid.is, að því er fram kemur í skeyti Almannavarna.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.