Innlent

795 greindust innan­lands í gær

Atli Ísleifsson skrifar
Frá sýnatökustað Heilsugæslu höfuðborgarsvæðisins á Suðurlandsbraut.
Frá sýnatökustað Heilsugæslu höfuðborgarsvæðisins á Suðurlandsbraut. Vísir/Vilhelm

795 greindust með kórónuveiruna innanlands í gær. 374 af þeim 795 sem greindust innanlands í gær voru í sóttkví við greiningu, eða 47 prósent. 421 voru utan sóttkvíar, eða 53 prósent.

Þetta kemur fram á síðunni covid.is. 7.937 eru nú í einangrun vegna Covid-19 samanborið við 6.368 þann 30. desember þegar síðan var síðast uppfærð . 6.273 eru nú í sóttkví, en voru 7.768 á fimmtudag. 540 eru nú í skimunarsóttkví.

25 sjúklingar liggja nú inni á sjúkrahúsi vegna COVID-19, en voru 22 í gær. Sjö eru á gjörgæslu, en voru átta í gær.

84 greindust á landamærunum í gær – 81 virkt smit í fyrri landamæraskimun og þrjú í seinni landamæraskimun.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 2543,8, en var 1708,8 á fimmtudag. Nýgengi á smiti á landamærum er nú 197,4, samanborið við 138,0 á fimmtudag.

Alls hafa 31.070 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 38 andlát verið rakin til COVID-19 hér á landi frá upphafi faraldursins.

Alls voru tekin 3.120 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá var 1.318 sýni tekin á landamærunum eða í seinni landamæraskimun og 1.557 í svokallaðri sóttkvíar- og handahófsskimun. Þá voru 242 sýni tekin í skimun hjá Íslenskri erfðagreiningu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.