Erlent

27 látnir og lögreglu grunar íkveikju

Gunnar Reynir Valþórsson skrifar
Að minnsta kosti 27 létust í eldsvoðanum.
Að minnsta kosti 27 létust í eldsvoðanum. epa/Jiji Press

Talið er að allt að 27 hafi látið lífið eftir að eldur kom upp í byggingu í miðborg Osaka í Japan. Lögregla rannsakar nú málið en grunur leikur á að kveikt hafi verið í af yfirlögðu ráði.

Eldurinn kom upp á fjórðu hæð byggingarinnar og börðust slökkviliðsmenn við eldinn í um hálfa klukkustund. 

Allir hinna látnu voru staddir á einhversskonar læknastofu þegar eldurinn kviknaði og komust ekki út, þrátt fyrir að eldurinn hafi aðeins brunnið á litlu svæði, eða á um tuttugu fermetrum. 

Árið 2019 létust 36 í japönsku borginni Kyoto þegar maður kveikti viljandi í kvikmyndaveri í borginni.

Japan
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið