171 greindist með kórónuveiruna í gær

Atli Ísleifsson skrifar 16. desember 2021 10:40

171 greindist með kórónuveiruna innanlands í gær. Ekki hafa svo margir greinst innanlands með veiruna frá 22. nóvember. Þau tímamót urðu í gær að 20 þúsund manns hafa nú greinst með kórónuveiruna hér á landi frá upphafi faraldursins.

Þetta kemur fram á síðunni covid.is. 87 af þeim 171 sem greindist innanlands í gær voru í sóttkví við greiningu, eða 51 prósent. 84 voru utan sóttkvíar, eða 49 prósent.

1.478 eru nú í einangrun vegna Covid-19 samanborið við 1.409 í gær. 2.252 eru nú í sóttkví, en voru 2.582 í gær. 167 eru nú í skimunarsóttkví.

Þrettán eru nú inniliggjandi á sjúkrahúsum á landinu vegna COVID-19, sami fjöldi og í gær. Þá eru tveir á gjörgæslu líkt og í gær.

Sextán smit kom upp á landamærunum í gær – ellefu virk smit í fyrri landamæraskimun og er niðurstöðu mótefnamælingar beðið í tilviki fimm.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 468,8, en var 459,2 í gær. Nýgengi á smiti á landamærum er nú 32,5 samanborið við 29,7 í gær.

Alls hafa 20.044 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 36 andlát verið rakin til COVID-19 hér á landi frá upphafi faraldursins.

Alls voru tekin 1.582 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá var 1.368 sýni tekin á landamærunum eða í seinni landamæraskimun og 1.214 í svokallaðri sóttkvíar- og handahófsskimun.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir