Erlent

Ný­sjá­lendingar banna komandi kyn­slóðum að kaupa tóbak

Gunnar Reynir Valþórsson skrifar
Um þrettán prósent Nýsjálendinga reykja, sem er um fimm prósentum minna en var fyrir áratug.
Um þrettán prósent Nýsjálendinga reykja, sem er um fimm prósentum minna en var fyrir áratug. Getty

Enginn Nýsjálendingur sem fæddur er 2008 eða síðar mun geta keypt sér tóbaksvörur, nái ný lög sem boðuð hafa verið af ríkisstjórn landsins fram að ganga.

Heilbrigðisráðherra landsins Dr. Ayesha Verall segir að markmiðið sé að koma alfarið í veg fyrir að yngri kynslóðir Nýja-Sjálands byrji að reykja.

Lagasetningin er liður í víðtæku átaki sem miðar að því að draga úr reykingum og á meðal annarra ráða sem grípa á til er að takmarka aðgengi að sígarettum og draga úr innihaldi nikótíns í þeim.

Um þrettán prósent Nýsjálendinga reykja, sem er um fimm prósentum minna en var fyrir áratug.

Hlutfallið hjá frumbyggjum landsins, Maóríum, er þó mun hærra, en þar reykja ríflega þrjátíu prósent. Markmiðið nýja átaksins er hinsvegar að eftir þrjú ár reyki aðeins fimm prósent landsmanna.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.