Erlent

Neyðast til þess að nýta neyðarbirgðir af hlynsýrópi

Tryggvi Páll Tryggvason skrifar
Hlynsýróp er stundum nefnt hið fljótandi gull.
Hlynsýróp er stundum nefnt hið fljótandi gull. Mert Alper Dervis/Anadolu Agency via Getty Images)

Samtök hlynsýrópsframleiðenda í Quebec-ríki Kanada hafa neyðst til þess að nýta neyðarbirgðir til þess að anna eftirspurn eftir hlynsýrópi í aðdraganda jólanna.

Samtökin, QMSP, hafa alls neyðst til þess að nýta sér 22 milljón kíló af neyðarbirgðunum, um helmingur þess sem geymt er fyrir tilfelli sem þessi.

Eftirspurn eftir hlynsýrópi hefur aukist um 36 prósent og anna framleiðendurnir ekki eftirspurninni.

Framleiðendur innan QMSP framleiða um þrjá fjórðu hluta alls hlynsýróps sem framleitt er í heiminum.

Í frétt kanadíska ríkisútvarpsins er tilvist neyðarsjóðsins útskýrð en í honum eru alls geymd 45 milljón kíló af hlynsýrópi.

Neyðarbirgðirnar voru settar á laggirnar árið 2000 svo að samtökun gætu ávallt tryggt stöðugt framboð af sýrópi, óháð því hversu mikið er framleitt hvert ár, en framleiðslan er háð sveiflum í tíðarfari.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.