Lífið samstarf

Spennandi viðburðir í splunkunýrri hönnunarverslun

RVK Design
Svava Rut  markaðsstjóri lífsstílsverslunarinnar Reykjavík Design segir fallegar hönnunarvörur smellpassa í jólapakkann. 
Svava Rut  markaðsstjóri lífsstílsverslunarinnar Reykjavík Design segir fallegar hönnunarvörur smellpassa í jólapakkann.  Vilhelm

Vínsmökkun og fróðleikur um mat og drykk verður meðal viðburða í nýrri lífsstílsverslun.

„Við erum með sérstakt viðburðarými í nýju versluninni þar sem verða haldnar skemmtilegar uppákomur í samstarfi við innlenda aðila. Við verðum til dæmis með vínsmökkun og ostasmökkun en það sem gerir þessa viðburði einstaklega skemmtilega er að viðskiptavinum gefst meðal annars tækifæri til að prufukeyra vínglösin okkar og borðbúnað, ásamt því að fræðast um mat og drykk. 

Í samstarfi við íslenska hönnuði og listamenn verða einnig haldnar myndlistasýningar og vörukynningar í verslun okkar“ segir Svava Rut, markaðsstjóri Reykjavík Design en þau hafa opnað nýja og glæsilega hönnunar- og gjafavöruverslun í Síðumúla 21 (gengið inn um Selmúla). Verslunin hefur verið starfrækt í um fimm ár en er nú loksins komin í draumahúsnæðið.

Svava Rut segir vöruúrvalið af hönnunar- og gjafavörum hafa stóraukist en að falleg hönnun verði vinsæl undir jólatréð í ár. 

„Múmín jólakúlurnar, körfurnar og kertin hafa verið mjög vinsæl í jólapakkann. Vörurnar frá Hekla Íslandi eru líka í miklu uppáhaldi hjá viðskiptavinum okkar, þá sérstaklega viðarskúlptúrarnir og ofnhanskarnir.

Við leggjum mikið upp úr hágæða hönnunarvörum, t.d. kristalsvörum. Zalto vínglös eru þar í fremsta flokki en þau eru handblásin úr blýlausum kristal. Glösin eru afar falleg og hafa unnið verðlaunin „Unimprovable Award“ sem þýðir í raun að hönnunin gæti ekki verið betri en hún er. Í verslun okkar eru einnig tékkneskar kristalsvörur í hæsta gæðaflokki frá Rückl, en við erum þau einu hér á landi með þær vörur að því er ég best ég veit,“ segir Svava Rut.

Þá erum við með glæsilegan borðbúnað frá Stonemade sem er handunninn úr náttúrulegum kalksteini og marmara, en það sem gerir Stonemade einstakt er að vörurnar hafa aldrei verið glerjaðar, það er að segja efninu hefur aldrei verið lokað á neinn hátt líkt og venja er. 100% náttúruleg vara þar sem fegurð steinsins fær að njóta sín.

Eins og ég nefndi þá hefur vöruúrvalið okkar stóraukist og við erum virkilega spennt að sýna þær í versluninni. Við erum að taka inn fleiri danskar hönnunarvörur, vönduð húsgögn frá þýskalandi og loftljós frá belgískum hönnuðum. Einnig eru skandinavískar sælkeravörur á leiðinni til okkar sem hafa ekki sést hér á landi,“ útskýrir Svava.

Vilhelm

Íslensk hönnun skipar veigamikinn sess í versluninni og auk Hekla Íslandi eru vörur frá HER Design að finna í hillum Reykjavík Design og einnig vörur frá IHANNA, Bybibi, Lumo Casa og FORMER. „Við leggjum mikið upp úr því að koma íslenskri hönnun á framfæri og hvetjum íslenska hönnuði til að setja sig í samband við okkur“ segir Svava Rut.

Vilhelm



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.