Innlent

Enginn al­var­lega slasaður eftir fimm bíla um­ferðar­ó­happ

Árni Sæberg skrifar
Óhappið varð um tuttugu kílómetra austur af Vík í Mýrdal.
Óhappið varð um tuttugu kílómetra austur af Vík í Mýrdal. Jóhann K. Jóhannsson

Tólf manns í fimm bifreiðum lentu í umferðaróhappi um tuttugu kílómetra austur af Vík í Mýrdal klukkan rúmlega fjögur í dag. Allir eru flokkaðir „grænir“ að sögn Lögreglunnar á Suðurlandi.

Samkvæmt uppfærðri tilkynningu Lögreglunnar á Suðurlandi vinna björgunarsveitir frá Vík, Kirkjubæjarklaustri og úr Álftaveri á vettvangi slyssins.

Um er að ræða nokkuð umfangsmikið slys en af bifreiðunum fimm valt ein og kviknaði í annarri. Samt sem áður eru allir þeir sem lentu í slysinu komnir í skjól og undir hendur heilbrigðisstarfsmanna. 

„Áverkamat hljóðar upp á að þeir séu allir „grænir“ og áverkar minniháttar,“ segir í tilkynningu lögreglu.

Þá segir að lögreglumenn séu við rannsókn á slysstað og að búast megi við umferðartöfum við slysstað.

Að lokum bendir lögreglan á að mikil hálka sé víða um Suðurland og biðlar til fólks að fara varlega og haga akstri sínum eftir því.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.