Stal yfir sjötíu flöskum úr Vínbúðinni

Í verslunum Hagkaups sóttist maðurinn aðallega eftir ilmvötnum og hljómplötum. Í verslunum Lyfju sóttist maðurinn einnig í ilmvötn en líka í krem. Í Elko voru það hin ýmsu raftæki. Brot mannsins voru framin frá desember á síðasta ári til septembers á þessu á þessu ári.

Alls var söluandvirði þess varnings sem maðurinn stal um 2,7 milljónir króna en maðurinn játaði sök fyrir utan að hann hafnaði því að greiða ÁTVR fyrir eina flösku sem og bótakröfu frá Lyfju upp á 86 þúsund króonur, þar sem vörurnar hafi komist óskemmdar til skila.

Alls þarf maðurinn að greiða ÁTVR 569 þúsund krónur, Högum 663 þúsund krónur og Lyfju 442 þúsund krónur, auk þess sem hann var dæmdur í fimm mánaða fangelsi, sem fellur niður haldi hann skilorð í tvö ár.