Hundruð Teslu-eigenda sátu fastir vegna bilunar í smáforriti

Óttar Kolbeinsson Proppé skrifar 20. nóvember 2021 18:45

Smáforrit Teslu lá niðri í nokkra klukkutíma í gær og gátu margir því ekki startað bíl sínum. getty/Jim Dyson

Bilun í smáforriti rafbílaframleiðandans Teslu varð til þess að hundruð Teslu-eigenda gátu ekki startað bílum sínum í gær.

Elon Musk, forstjóri fyrirtækisins Teslu, greindi frá því á Twitter í gær að vandinn hefði skapast vegna bilunar í netþjóni en hún olli því að forrit sumra bílaeigenda gat ekki tengst bílum þeirra. Þeir komu þeim því ekki í gang og sátu margir hverjir fastir í nokkra klukkutíma.

Elon Musk, forstjóri Tesla.Getty/Liesa Johannssen-Koppitz

Um fimm hundruð Teslu-eigendur tilkynntu um vandamálið víðs vegar um heim; í Bandaríkjunum, Kanada, Evrópu og í Asíu, að því er fram kemur í frétt The Guardian um málið.

„Afsakið þetta, við munum grípa til ráðstafana svo að þetta komi aldrei fyrir aftur,“ sagði Elon Musk á Twitter seint í gær.

Should be coming back online now. Looks like we may have accidentally increased verbosity of network traffic.

Apologies, we will take measures to ensure this doesn’t happen again.
— Elon Musk (@elonmusk) November 20, 2021

Tesla Bílar Vistvænir bílar Bandaríkin Samgöngur Kanada

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.