Neita að hafa hafnað plássum líkt og þingmenn halda fram Kolbeinn Tumi Daðason skrifar 17. nóvember 2021 16:42 Svandís Svavarsdóttir heilbrigðisráðherra. Vísir/Vilhelm Heilbrigðisráðuneytið segir fullkomlega úr lausu lofti gripið að Hrafnista hafi viljað og geti tekið við á annað hundrað öldruðum. Sömuleiðis að staðið hafi á ráðuneytinu að semja við Heilsuvernd um á þriðja hundrað hjúkrunarrýma. Hvoru tveggja sé rangt. Þetta kemur fram í tilkynningu á vef ráðuneytisins í kjölfar fjölmiðlaumfjöllunar. Dropinn sem virðist hafa fyllt mæli ráðuneytisins voru fullyrðingar Ingu Sæland, formanns Flokks fólksins, og Guðrúnar Hafsteinsdóttur, þingmanns Sjálfstæðisflokksins, í Kastljósi í gær. Staðan í Covid-faraldrinum og ástandið á Landspítalanum var meðal annars til umræðu í þættinum. Þingmaður Sjálfstæðisflokks telur ríkisstjórnina hafa brugðist „Okkur skortir sérhæft starfsfólk. Það sem er líka mjög stórt vandamál er það að spítalinn er fullur af fólki sem á að vera á hjúkrunarheimilum. Við getum kannski sagt að ríkisstjórnin hafi brugðist í því að vilja ekki leita úrræða úti í samfélaginu til dæmis í gegnum einkarekstur,“ sagði Guðrún sem kjörin var þingmaður Sjálfstæðisflokksins í nýliðnum kosningum. Guðrún Hafsteinsdóttir á þingmannakynningu í haust.Vísir/Vilhelm „Hér eru aðilar sem eru tilbúnir að taka við tugum sjúklinga í hjúkrunarrými en ráðuneytið hefur ekki viljað fara samningaleið þangað vegna þess að það er fyrir utan hið opnibera kerfi. Við leysum ekki vanda heilbrigðiskerfisins eingöngu með opinberum rekstri,“ bætti Guðrún við. Inga Sæland tók boltann á lofti. „Ég tek undir það. Það þarf blandaðan rekstur. Það voru ekki bara nokkrir tugir hjúkrunarrýma sem voru í boðinu heldur á þriðja hundrað. Ekki bara Hrafnistuheimilin sem voru tilbúin að taka við á annað hundrað eldri borgurum í umönnun og búsetu heldur líka Heilsu..., hvað heitir það, uppi í Urðarhvarfi,“ sagði Inga og átti við Heilsuvernd. Inga Sæland er formaður Flokks fólksins sem vann mikinn sigur í nýafstöðnum kosningum.Vísir/Vilhelm „Þeir buðu held ég fyrir tveimur árum, eða hálfu öðru ári, upp á 130 hjúkrunarrými. Það er slegið út af borðinu. Þetta er með hreinum ólíkindum í ljósi þess að við vitum að langdýrustu legurýmin eru líka á Landspítalanum.“ Eigandi húsnæðisins hafi sagt nei Í tilkynningu ráðuneytisins segir að fyrirtækið Heilsuvernd hafi vissulega boðið fram húsnæði í Urðarhvarfi 8 fyrir rekstur hjúkrunarrýma á síðasta ári fyrir umfangsmikla öldrunarþjónustu, meðal annars rekstur hjúkrunarrýma. Teitur Guðmundsson er framkvæmdastjóri Heilsuverndar. „Sjúkratryggingar Íslands áttu í viðræðum við Heilsuvernd á þessu ári um slíkt verkefni. Þessum viðræðum var sjálfhætt þegar eigandi húsnæðisins (sem er ekki fyrirtækið Heilsuvernd) lýsti yfir að húsnæðið væri ekki til ráðstöfunar fyrir verkefnið. Rétt er að taka fram að ráðast hefði þurft í viðamiklar framkvæmdir og breytingar á húsnæðinu áður en að hægt hefði verið að opna þar hjúkrunarrými fyrir aldraða og sem fyrr segir stóð það húsnæði ekki til boða þegar til átti að taka.“ Urðarhvarf 8 er í eigu Elliðaárdals ehf sem er að langstærstum hluta í eigu Þorvaldar Gissurarsonar, forstjóra og eiganda verktakafyrirtækisins ÞG Verk. Fagna öllu frumkvæði sem leiði til fleiri hjúkrunarrýma Þá sé fullyrðing um vilja og getu Hrafnistuheimilanna um að taka við á annað hundrað öldruðum algjörlega úr lausu lofti gripin. „Aftur á móti hefur heilbrigðisráðuneytið átt í góðu samstarfi við rekstraraðila hjúkrunarheimila, þar með talda Hrafnistu sem rekur átta hjúkrunarheimili í Reykjavík, Hafnarfirði, Kópavogi, Garðabæ og Reykjanesbæ, um leiðir til að fjölga hjúkrunar- og dagdvalarrýmum vegna brýnnar þarfar og meðal annars til að mæta vanda Landspítala sem hefur átt í erfiðleikum með að útskrifa fólk að lokinni meðferð, samhliða miklu álagi vegna Covid-19. Á gamla Sólvangi í Hafnarfirði verður á næstu vikum opnuð ný hjúkrunardeild fyrir 11 aldraða og eiga Sjúkratryggingar Íslands í viðræðum við Öldung hf. sem rekur hjúkrunarheimilið Sóltún í Reykjavík, um rekstur þeirra. Í gamla Sólvangi verða einnig opnuð í byrjun næsta árs 39 rými til skammtímadvalar og endurhæfingar fyrir aldraða. Þessu til viðbótar standa nú yfir miklar húsnæðisframkvæmdir við húsnæði Landspítala á Landakoti vegna opnunar 30 nýrra endurhæfingarrýma og hefur hluti þeirra þegar verið tekinn í notkun,“ segir í tilkynningunni. Líða fer að jólum með tilheyrandi stemmningu á Hrafnistu.Vísir/Vilhelm Einkaaðilar og sjálfseignarstofnanir sinni umfangsmiklum rekstri hjúkrunarheimila hér á landi og hafi gert til margra áratuga. „Um uppbyggingu húsnæðis hjúkrunarheimila og rekstur þeirra gilda sömu lög, reglur og viðmið, hvort heldur sem í hlut eiga opinberir aðilar eða einkaaðilar. Heilbrigðisráðuneytið fagnar öllu frumkvæði sem rúmast innan laga og reglna og leitt getur til skjótrar fjölgunar hjúkrunarrýma fyrir aldraða.“ Heilbrigðismál Landspítalinn Hjúkrunarheimili Eldri borgarar Mest lesið Ótrúlegur árekstur: „Ég sá bara dekk og púströr“ Innlent Vildi kynnast Kristjáni en var ítrekað sagt að „fokka sér“ Innlent Trump-liðar heita hefndum Erlent Reikna með gosi í lok mánaðar Innlent Ríkið situr á þúsundum hektara af framræstu votlendi Innlent Yfirlæknir gagnrýnir auglýsingu gegn lyfi við RS-veiru Innlent Skýrt að Ísland sé ekki griðastaður stríðsglæpamanna Innlent Vonar að fólk taki ekki mark á auglýsingum þar sem farið er með rangindi Innlent Fráfarandi starfsmaður Sólheima: „Eins og ég sé að sleppa frá einangruðu einræðisríki“ Innlent Sagði frá fyrirætlunum sínum í SMS-i fyrir morðið Erlent Fleiri fréttir Sósíalistar vilja Sönnu burt en hún kveðst koma af fjöllum Fráfarandi starfsmaður Sólheima: „Eins og ég sé að sleppa frá einangruðu einræðisríki“ „Ég veit ekki hversu hátt þarf að öskra orðið þjóðarmorð“ Vildi kynnast Kristjáni en var ítrekað sagt að „fokka sér“ Stöðugildum á vegum ríkis fjölgaði um rúm 500 á síðasta ári Reikna með gosi í lok mánaðar Rændi bíl í Veiðivötnum og ók undir áhrifum af vettvangi Vonar að fólk taki ekki mark á auglýsingum þar sem farið er með rangindi Ótrúlegur árekstur: „Ég sá bara dekk og púströr“ Merki um að gjá í samfélaginu sé að stækka Skýrt að Ísland sé ekki griðastaður stríðsglæpamanna Stjórnvöld ætli að hafa yfirhöndina gagnvart skipulögðum glæpahópum Ísraelar sakaðir um þjóðarmorð og dómsmálaráðherra styður lögregluna í aðgerðum gegn Hells Angels Lokun Sorpu á Dalvegi enn frestað Munu áfram stýra fastanefndunum Fá að halda framkvæmdum áfram í bili Eldur í geymslu í blokk á Selfossi Yfirlæknir gagnrýnir auglýsingu gegn lyfi við RS-veiru Flestir sem skráðu sig í Skorradalshrepp fá að kjósa Frumvarp um afnám laga um orlof húsmæðra lagt fram í tíunda sinn Ríkið situr á þúsundum hektara af framræstu votlendi Sló töskunni í vélarhlíf lögreglubifreiðar „Þetta var vissulega ekki í starfslýsingunni“ Hefur ekki áhyggjur af svindli með nýju námsmati Þrjú innbrot og alltaf fúlsað við verkunum: „Þetta er kannski smá yfirlýsing“ Ísland ekki óhult ef til átaka kemur í Evrópu „Ég mun ekki sjá eftir honum“ Fjöldi glæpahópa á Íslandi hefur tvöfaldast á tíu árum „Ekki algengt að svona lekar verði“ Stóraukning skipulagðrar glæpastarfsemi og innbrotahrina hjá listamanni Sjá meira
Þetta kemur fram í tilkynningu á vef ráðuneytisins í kjölfar fjölmiðlaumfjöllunar. Dropinn sem virðist hafa fyllt mæli ráðuneytisins voru fullyrðingar Ingu Sæland, formanns Flokks fólksins, og Guðrúnar Hafsteinsdóttur, þingmanns Sjálfstæðisflokksins, í Kastljósi í gær. Staðan í Covid-faraldrinum og ástandið á Landspítalanum var meðal annars til umræðu í þættinum. Þingmaður Sjálfstæðisflokks telur ríkisstjórnina hafa brugðist „Okkur skortir sérhæft starfsfólk. Það sem er líka mjög stórt vandamál er það að spítalinn er fullur af fólki sem á að vera á hjúkrunarheimilum. Við getum kannski sagt að ríkisstjórnin hafi brugðist í því að vilja ekki leita úrræða úti í samfélaginu til dæmis í gegnum einkarekstur,“ sagði Guðrún sem kjörin var þingmaður Sjálfstæðisflokksins í nýliðnum kosningum. Guðrún Hafsteinsdóttir á þingmannakynningu í haust.Vísir/Vilhelm „Hér eru aðilar sem eru tilbúnir að taka við tugum sjúklinga í hjúkrunarrými en ráðuneytið hefur ekki viljað fara samningaleið þangað vegna þess að það er fyrir utan hið opnibera kerfi. Við leysum ekki vanda heilbrigðiskerfisins eingöngu með opinberum rekstri,“ bætti Guðrún við. Inga Sæland tók boltann á lofti. „Ég tek undir það. Það þarf blandaðan rekstur. Það voru ekki bara nokkrir tugir hjúkrunarrýma sem voru í boðinu heldur á þriðja hundrað. Ekki bara Hrafnistuheimilin sem voru tilbúin að taka við á annað hundrað eldri borgurum í umönnun og búsetu heldur líka Heilsu..., hvað heitir það, uppi í Urðarhvarfi,“ sagði Inga og átti við Heilsuvernd. Inga Sæland er formaður Flokks fólksins sem vann mikinn sigur í nýafstöðnum kosningum.Vísir/Vilhelm „Þeir buðu held ég fyrir tveimur árum, eða hálfu öðru ári, upp á 130 hjúkrunarrými. Það er slegið út af borðinu. Þetta er með hreinum ólíkindum í ljósi þess að við vitum að langdýrustu legurýmin eru líka á Landspítalanum.“ Eigandi húsnæðisins hafi sagt nei Í tilkynningu ráðuneytisins segir að fyrirtækið Heilsuvernd hafi vissulega boðið fram húsnæði í Urðarhvarfi 8 fyrir rekstur hjúkrunarrýma á síðasta ári fyrir umfangsmikla öldrunarþjónustu, meðal annars rekstur hjúkrunarrýma. Teitur Guðmundsson er framkvæmdastjóri Heilsuverndar. „Sjúkratryggingar Íslands áttu í viðræðum við Heilsuvernd á þessu ári um slíkt verkefni. Þessum viðræðum var sjálfhætt þegar eigandi húsnæðisins (sem er ekki fyrirtækið Heilsuvernd) lýsti yfir að húsnæðið væri ekki til ráðstöfunar fyrir verkefnið. Rétt er að taka fram að ráðast hefði þurft í viðamiklar framkvæmdir og breytingar á húsnæðinu áður en að hægt hefði verið að opna þar hjúkrunarrými fyrir aldraða og sem fyrr segir stóð það húsnæði ekki til boða þegar til átti að taka.“ Urðarhvarf 8 er í eigu Elliðaárdals ehf sem er að langstærstum hluta í eigu Þorvaldar Gissurarsonar, forstjóra og eiganda verktakafyrirtækisins ÞG Verk. Fagna öllu frumkvæði sem leiði til fleiri hjúkrunarrýma Þá sé fullyrðing um vilja og getu Hrafnistuheimilanna um að taka við á annað hundrað öldruðum algjörlega úr lausu lofti gripin. „Aftur á móti hefur heilbrigðisráðuneytið átt í góðu samstarfi við rekstraraðila hjúkrunarheimila, þar með talda Hrafnistu sem rekur átta hjúkrunarheimili í Reykjavík, Hafnarfirði, Kópavogi, Garðabæ og Reykjanesbæ, um leiðir til að fjölga hjúkrunar- og dagdvalarrýmum vegna brýnnar þarfar og meðal annars til að mæta vanda Landspítala sem hefur átt í erfiðleikum með að útskrifa fólk að lokinni meðferð, samhliða miklu álagi vegna Covid-19. Á gamla Sólvangi í Hafnarfirði verður á næstu vikum opnuð ný hjúkrunardeild fyrir 11 aldraða og eiga Sjúkratryggingar Íslands í viðræðum við Öldung hf. sem rekur hjúkrunarheimilið Sóltún í Reykjavík, um rekstur þeirra. Í gamla Sólvangi verða einnig opnuð í byrjun næsta árs 39 rými til skammtímadvalar og endurhæfingar fyrir aldraða. Þessu til viðbótar standa nú yfir miklar húsnæðisframkvæmdir við húsnæði Landspítala á Landakoti vegna opnunar 30 nýrra endurhæfingarrýma og hefur hluti þeirra þegar verið tekinn í notkun,“ segir í tilkynningunni. Líða fer að jólum með tilheyrandi stemmningu á Hrafnistu.Vísir/Vilhelm Einkaaðilar og sjálfseignarstofnanir sinni umfangsmiklum rekstri hjúkrunarheimila hér á landi og hafi gert til margra áratuga. „Um uppbyggingu húsnæðis hjúkrunarheimila og rekstur þeirra gilda sömu lög, reglur og viðmið, hvort heldur sem í hlut eiga opinberir aðilar eða einkaaðilar. Heilbrigðisráðuneytið fagnar öllu frumkvæði sem rúmast innan laga og reglna og leitt getur til skjótrar fjölgunar hjúkrunarrýma fyrir aldraða.“
Heilbrigðismál Landspítalinn Hjúkrunarheimili Eldri borgarar Mest lesið Ótrúlegur árekstur: „Ég sá bara dekk og púströr“ Innlent Vildi kynnast Kristjáni en var ítrekað sagt að „fokka sér“ Innlent Trump-liðar heita hefndum Erlent Reikna með gosi í lok mánaðar Innlent Ríkið situr á þúsundum hektara af framræstu votlendi Innlent Yfirlæknir gagnrýnir auglýsingu gegn lyfi við RS-veiru Innlent Skýrt að Ísland sé ekki griðastaður stríðsglæpamanna Innlent Vonar að fólk taki ekki mark á auglýsingum þar sem farið er með rangindi Innlent Fráfarandi starfsmaður Sólheima: „Eins og ég sé að sleppa frá einangruðu einræðisríki“ Innlent Sagði frá fyrirætlunum sínum í SMS-i fyrir morðið Erlent Fleiri fréttir Sósíalistar vilja Sönnu burt en hún kveðst koma af fjöllum Fráfarandi starfsmaður Sólheima: „Eins og ég sé að sleppa frá einangruðu einræðisríki“ „Ég veit ekki hversu hátt þarf að öskra orðið þjóðarmorð“ Vildi kynnast Kristjáni en var ítrekað sagt að „fokka sér“ Stöðugildum á vegum ríkis fjölgaði um rúm 500 á síðasta ári Reikna með gosi í lok mánaðar Rændi bíl í Veiðivötnum og ók undir áhrifum af vettvangi Vonar að fólk taki ekki mark á auglýsingum þar sem farið er með rangindi Ótrúlegur árekstur: „Ég sá bara dekk og púströr“ Merki um að gjá í samfélaginu sé að stækka Skýrt að Ísland sé ekki griðastaður stríðsglæpamanna Stjórnvöld ætli að hafa yfirhöndina gagnvart skipulögðum glæpahópum Ísraelar sakaðir um þjóðarmorð og dómsmálaráðherra styður lögregluna í aðgerðum gegn Hells Angels Lokun Sorpu á Dalvegi enn frestað Munu áfram stýra fastanefndunum Fá að halda framkvæmdum áfram í bili Eldur í geymslu í blokk á Selfossi Yfirlæknir gagnrýnir auglýsingu gegn lyfi við RS-veiru Flestir sem skráðu sig í Skorradalshrepp fá að kjósa Frumvarp um afnám laga um orlof húsmæðra lagt fram í tíunda sinn Ríkið situr á þúsundum hektara af framræstu votlendi Sló töskunni í vélarhlíf lögreglubifreiðar „Þetta var vissulega ekki í starfslýsingunni“ Hefur ekki áhyggjur af svindli með nýju námsmati Þrjú innbrot og alltaf fúlsað við verkunum: „Þetta er kannski smá yfirlýsing“ Ísland ekki óhult ef til átaka kemur í Evrópu „Ég mun ekki sjá eftir honum“ Fjöldi glæpahópa á Íslandi hefur tvöfaldast á tíu árum „Ekki algengt að svona lekar verði“ Stóraukning skipulagðrar glæpastarfsemi og innbrotahrina hjá listamanni Sjá meira
Ísraelar sakaðir um þjóðarmorð og dómsmálaráðherra styður lögregluna í aðgerðum gegn Hells Angels