Innlent

Tekur við stöðu formanns þing­flokks Sam­fylkingarinnar

Atli Ísleifsson skrifar
Helga Vala hefur setið á þingi fyrir hönd Samfylkingarinnar frá árinu 2017.
Helga Vala hefur setið á þingi fyrir hönd Samfylkingarinnar frá árinu 2017. Vísir/Vilhelm

Helga Vala Helgadóttir hefur tekið við formennsku þingflokks Samfylkingarinnar. Hún tekur við stöðunni af Oddnýju G. Harðardóttur sem gegndi embættinu á síðasta kjörtímabili.

Í tilkynningu frá þingflokknum segir að svo hljóðandi tillaga Loga Einarssonar, formanns Samfylkingarinnar og þingmanns, hafi verið samþykkt á þingflokksfundi í dag.

„Helga Vala hefur setið á þingi fyrir hönd Samfylkingarinnar frá árinu 2017. Hún var formaður stjórnskipunar- og eftirlitsnefndar Alþingis á árunum 2017 - 2019 og formaður velferðarnefndar 2019 - 2021. Þórunn Sveinbjarnardóttir var auk þess kjörin varaformaður þingflokks og Kristrún Frostadóttir ritari þingflokks á fundinum,“ segir í tilkynningunni.

„Þrátt fyrir sérstakt upphaf kjörtímabils erum við í Samfylkingunni full tilhlökkunar að þing komi saman enda mörg brýn verkefni framundan auk þess sem við höfum undanfarnar vikur unnið að mikilvægum málum sem við viljum setja á dagskrá,” er haft eftir Helgu Völu.

Alþingi Samfylkingin
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið