152 greindust innanlands

Atli Ísleifsson skrifar 15. nóvember 2021 10:00

Fjölmenni var á sýnatökustað heilsugæslunnar á Suðurlandsbraut í morgun. Vísir/Vilhelm

152 greindust með kórónuveiruna innanlands í gær. 71 af þeim 152 sem greindust innanlands í gær voru í sóttkví við greiningu, eða 49 prósent. 73 voru utan sóttkvíar, eða 51 prósent. 22 liggja nú inni á Landspítala vegna Covid-19 smits og fjölgar um fimm milli daga.

Þetta kemur fram á síðunni covid.is. 1.691 eru nú í einangrun vegna Covid-19, en voru 1.585 síðastliðinn föstudag. 2.647 eru nú í sóttkví, en voru 2.459 á föstudag. 198 eru nú í skimunarsóttkví.

25 eru nú inniliggjandi á sjúkrahúsum á landinu vegna Covid-19, samanborið við tuttugu á föstudaginn. Þá eru fjórir á gjörgæslu vegna Covid-19, sami fjöldi og á föstudaginn. Á vef Landspítalans segir að 22 sjúklingar liggi nú á Landspítala vegna Covid-19. Þrír séu á gjörgæslu og tveir í öndunarvél. Meðalaldur inniliggjandi er 56 ár.

Átta smit kom upp á landamærunum í gær – fimm virk smit í fyrri landamæraskimun og þá er niðurstöðu mótefnamælingar beðið í tilviki þriggja.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 519,8, en var 469,3 á föstudaginn. Nýgengi á smiti á landamærum er nú 25,4 en var 27,5 á föstudag.

Alls hafa 15.741 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 34 andlát verið rakin til Covid-19 hér á landi frá upphafi faraldursins.

Alls voru tekin 1.224 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá voru 1.462 sýni tekin á landamærunum eða í seinni landamæraskimun og 811 í svokallaðri sóttkvíar- og handahófsskimun.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.