Íslenski boltinn

Aron Kristófer gengur í raðir KR

Runólfur Trausti Þórhallsson skrifar
Aron Kristófer mun ekki leika í gulu næsta sumar.
Aron Kristófer mun ekki leika í gulu næsta sumar. Vísir/Bára Dröfn

KR-ingar halda áfram að styrkja sig fyrir komandi átök næsta sumar en Aron Kristófer Lárusson hefur samið við félagið til fjögurra ára. Hann kemur frá ÍA en lék þar áður með Þór Akureyri.

KR endaði í 3. sæti Pepsi Max deildar karla og hefur verið í óðaönn að styrkja leikmannahóp sinn fyrir næsta tímabil. 

Nú hefur hinn 23 ára gamli Aron Kristófer samið við félagið en hann er fjórði leikmaðurinn sem gengur í raðir KR-inga á síðustu vikum. Frá þessu var greint á samfélagsmiðlum KR í dag.

Aron Kristófer er sonur Lárusar Orra Sigurðssonar, fyrrum landsliðsmann í fótbolta, og leikur ýmist í stöðu vinstri bakvarðar og vinstri vængmanns. Hann lék alls 19 leiki með ÍA í Pepsi Max deild karla á síðustu leiktíð. 

Alls á Aron Kristófer að baki 140 KSÍ leiki og hefur hann skorað í þeim 12 mörk.

Eins og áður sagði er þetta fjórði leikmaðurinn sem KR hefur samið við síðan tímabilinu lauk. Markvörðurinn Aron Snæ Friðriksson kom frá Fylki og þá voru sóttir tveir framherjar. Sigurður Bjartur Hallsson kom frá Grindavík og Stefan Alexander Ljubicic frá HK.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.