Lífið

Stjörnulífið: Hrekkjavakan í allri sinni dýrð

Sylvía Rut Sigfúsdóttir skrifar
Stjörnulífið er liður á Lífinu Vísi en þar er farið yfir það helsta sem þekktir Íslendingar hafa verið að gera undanfarna daga.
Stjörnulífið er liður á Lífinu Vísi en þar er farið yfir það helsta sem þekktir Íslendingar hafa verið að gera undanfarna daga. Samsett/Instagram

Hrekkjavakan spilar stórt hlutverk í Stjörnulífinu þessa vikuna, enda voru samfélagsmiðlir fullir af búningamyndum eftir helgina. 

Benedikt Einarsson fjárfestir og Birgitta Haukdal söngkona héldu upp á fertugsafmæli hins fyrrnefnda á föstudagskvöldið. Efnt var til búningaþema þar sem Queen var þemað. Voru gestir klæddir upp í anda hljómsveitarinnar sem Freddie Mercury var í fararbroddi fyrir auk þess sem gestir klæddu sig upp eins og Elísabet Bretadrottning. 

Á meðal gesta voru Ragnhildur Steinunn Jónsdóttir sjónvarpskona, Ríkharður Daðason knattspyrnukappi, Edda Hermannsdóttir hjá Íslandsbanka, Magnús Geir Þórðarson Þjóðleikhússtjóri og fleiri stuðboltar.

Eva Ruza fór alla leið á hrekkjavökunni í ár, með aðstoð systur sinnar Tinnu. 

Þjálfarinn Arna Vilhjálms var að kaupa sína fyrstu íbúð og einnig að gefa út bók. Allt í sömu vikunni. 

Glimmerdrottningin Dóra Júlía kom fram á árshátíð SÝN um helgina. 

Jón Jónsson hélt upp á 36 ára afmælið með fjölskyldunni í sólinni.

Pattra hélt upp á hrekkjavökuna með fjölskyldunni. 

Annie Mist endaði í öðru sæti á Rogue Crossfit-mótinu um helgina. Hennar stærsti aðdáandi var auðvitað nálægt. 

Björgvin Karl Guðmundsson náði líka góðum árangri á mótinu.

Sara Sigmunds átti mjög erfitt að vera ekki með sínu fólki á mótinu en hún er að jafna sig eftir meiðsli.

Tónskáldið Eydís Evensen hélt tónleika í París og spilaði hún á flygilinn umkringd kertaljósum.

Ásdís Rán var blóðug þessa hrekkjavökuna.

Baldvin sonur Sóla Hólm endaði upp á sviði með á tónleikum rapparans Herra Hnetusmjörs um helgina. Þessi hæfileikaríki drengur er einnig að taka þátt í leitinni að Jólastjörnu Björgvins Halldórssonar þessa dagana. 

Rakel Orra skellti sér á tónleika rapparans, en þetta eru þeir fyrstu sem hann heldur með svona stórri hljómsveit.

Förðunarsnillingurinn Embla Wigum birti myndir af nokkrum hrekkjavökuförðunum. Hún tók líka að sér skemmtilegt förðunarverkefni fyrir Marvel á þessari hrekkjavöku.

Hanna Rún Bazev fór út á lífið með systrum sínum um helgina. 

Donna Cruz hélt hrekkjavökupartý í Cava club á laugardag og kallaði það Donnuween.  Anna Lára Orlowska pg Sunneva Halldórs mættu auðvitað í búning. 

Binni Glee mætti sem Mjallhvít.

Sunneva Einars fékk innblástur frá Megan Fox.

Björk Guðmunds hélt tónleika, klædd í kjól frá Valentino.

Ljósmyndarinn Helgi Ómarsson var ánægður með norðurljósasýninguna í Reykjavík um helgina. 

Svala Björgvins var skuggaleg á hrekkjavökunni.

Vilborg Arna fór í fjallgöngu og ísklifur um helgina.

Jóhanna Helga annar þáttastjórnanda Samstarfs á Stöð 2+ mætti á árshátíð SÝN um helgina.

Íþróttafréttakonan Svava Grétars var flott í fölbleikum síðkjól á árshátíðinni.

FM957 hélt stórt búningapartý á Bankastræti club. 

Þórunn Antonía fór út í grikk eða gott með litlu vampírufjölskyldunni sinni.

Fanney Ingvars spókaði sig um í London um helgina. 

Eva Laufey Kjaran er byrjuð í tökum fyrir nýja þáttaröð af Blindum bakstri.

Birgitta Líf baðaði sig í náttúrulaugí gær.

Arna Petra er í París og planið er svefn, croissant og kaffi. 

Sólborg hefur verið edrú í fimm ár og segir að lífið sé betra án áfengis.

Söngkonan Greta Karen var sinn uppáhalds karakter á hrekkjavökunni.






Fleiri fréttir

Sjá meira


×