Innlent

84 greindust smitaðir af veirunni í gær

Hallgerður Kolbrún E. Jónsdóttir skrifar
Áttatíu greindust smitaðir af veirunni í fyrradag. 
Áttatíu greindust smitaðir af veirunni í fyrradag.  Vísir/Einar

Áttatíu og fjórir greindust smitaðir af Covid-19 innanlands í gær. Þetta kemur fram í uppfærðum tölum á Covid.is. 35 þeirra voru í sóttkví við greiningu, eða 42 prósent. 49 voru utan sóttkvíar, eða 58 prósent.

Þetta kemur fram á síðunni Covid.is. 797 eru nú í einangrun vegna Covid-19, en voru 777 í gær. 1874 eru nú í sóttkví.

Þrettán eru nú á sjúkrahúsi vegna Covid-19, sex fleiri en í gær. Einn er á gjörgæslu, líkt og í gær.

Sex smit komu upp á landamærunum í gær og eru þau öll virk.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 241,3, en var 232,1 í gær. Nýgengi á smiti á landamærum er nú 23,7, en var 23,5 í gær.

Alls hafa 13.313 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 33 andlát verið rakin til Covid-19 hér á landi frá upphafi faraldursins.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.