Sprenging varð í íbúðarblokk í Annendal-hverfinu í Gautaborg 28. september.Vísir/EPA
Sænska lögreglan segir að kona sem hefur legið særð á sjúkrahúsi eftir sprenginguna í íbúðarblokk í Gautaborg í síðasta mánuði sé látin. Karlmaður sem er grunaður um að hafa borið ábyrgð á sprengingunni fannst látinn í síðustu viku.
Sextán manns voru fluttir á sjúkrahús eftir spenginguna í Annendal í Gautaborg aðfaranótt þriðjudagsins 28. september. Flestir þeirra voru með reykeitrun. Eftir lát konunnar er nú litið á rannsókn málsins sem morðrannsókn, að sögn sænska ríkisútvarpsins SVT.
Líks karlmanns á sextugsaldri sem er grunaður um að hafa valdið sprengingunni fannst í sjónum við Gautaborg á miðvikudagsmorgun í síðustu viku. Lögregla segir ekkert hafa komið fram sem bendi til þess að honum hafi verið ráðinn bani.
Alþjóðleg handtökuskipun hafði verið gefin út á hendur manninum. Hann bjó í byggingunni en til stóð að bera hann út daginn sem sprengingin varð.
Lögreglan í Gautaborg leitar nú karlmanns á sextugsaldri í tengslum við öfluga sprengingu í fjölbýlishúsi í miðborginni á þriðjudag. Til stóð að bera manninn út úr íbúð sinni í húsinu sama dag.
Fjöldi fólks er alvarlega slasaður eftir að mikil sprenging varð í íbúðahúsi í hverfinu Annedal í miðsvæðis í sænsku borginni Gautaborg snemma í morgun.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
