Hannes nýr formaður Félags fasteignasala

Atli Ísleifsson skrifar 12. október 2021 10:32

Hannes Steindórsson tekur við stöðunni af Kjartani Hallgeirssyni. Fastlind

Hannes Steindórsson tók við stöðu formanns Félags fasteignasala á aðalfundi félagsins sem haldinn var á dögunum. Hannes tekur við stöðunni af Kjartani Hallgeirssyni sem hafði verið formaður frá árinu 2016.

Í tilkynningu frá félaginu segir að nýrrar stjórnar bíði fjölmörg verkefni, meðal annars að koma að undirbúningi rafrænna þinglýsinga í fasteignaviðskiptum, vinna að auknu öryggi neytenda í fasteignaviðskiptum, vinna að stofnun úrskurðanefndar Félags fasteignasala og Neytendasamtakanna sem neytendur geta leitað til, samstarf við stjórnvöld og opinberar stofnanir um brýn mál er tengjast fasteignamarkaðinum, halda úti sí og endurmenntun fyrir félagsmenn, auk fjölmargs annars.

Stjórn Félags fasteignasala á starfsárinu 2021-22 er þannig skipuð:

Hannes Steindórsson, formaður
Aron Freyr Eiríksson, meðstjórnandi
Kristín Sigurey Sigurðardóttir, meðstjórnandi
Monika Hjálmtýsdóttir, meðstjórnandi
Ólafur Már Ólafsson, meðstjórnandi
Snorri Sigurðsson, varamaður
Sólveig Regína Biard, varamaður

Á skrifstofu FF starfa Grétar Jónasson lögmaður og fasteignasali sem er framkvæmdastjóri FF og Lilja Guðmundsdóttir bókari og ritari.

Vistaskipti Fasteignamarkaður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.