Handbolti

Sautján ára Eyjakona fór með til Svíþjóðar en tveir Íslandsmeistarar urðu eftir heima

Ingvi Þór Sæmundsson skrifar
Elísa Elíasdóttir (til vinstri) leikur sinn fyrsta landsleik á fimmtudaginn.
Elísa Elíasdóttir (til vinstri) leikur sinn fyrsta landsleik á fimmtudaginn. vísir/hulda margrét

Tveir nýliðar fóru með íslenska kvennalandsliðinu í handbolta til Svíþjóðar í morgun. Ísland mætir heimakonum í Eskilstuna í fyrsta leik sínum í undankeppni EM á fimmtudaginn.

Nýliðarnir eru þær Berglind Þorsteinsdóttir, skytta HK, og Elísa Elíasdóttir, línumaður ÍBV. Sú síðarnefnda er aðeins sautján ára.

Landsliðsþjálfarinn Arnar Pétursson valdi nítján leikmenn í æfingahóp í síðustu viku. Sextán leikmenn fóru með til Svíþjóðar. Saga Sif Gísladóttir, markvörður Vals, og Aldís Ásta Heimisdóttir og Ásdís Guðmundsdóttir, leikmenn nýkrýndra bikarmeistara KA/Þórs, urðu eftir heima.

Samherji þeirra hjá KA/Þór, Rut Jónsdóttir, leikur sinn hundraðasta landsleik á fimmtudaginn. Hún er langleikjahæst í íslenska hópnum. Sunna Jónsdóttir, leikmaður ÍBV, á næstflesta landsleiki, eða 58.

Leikur Íslands og Svíþjóðar hefst klukkan 17:00 á fimmtudaginn. Íslenska liðið mætir svo því serbneska á Ásvöllum á sunnudaginn.

Landsliðshópurinn sem mætir Svíþjóð

Markverðir:

  • Elín Jóna Þorsteinsdóttir, Ringköbing Håndbold (30/0)
  • Hafdís Renötudóttir, Fram (28/1)

Aðrir leikmenn:

  • Berglind Þorsteinsdóttir, HK (0/0)
  • Díana Dögg Magnúsdóttir, BSV Sachsen Zwickau (23/20)
  • Elísa Elíasdóttir, ÍBV (0/0)
  • Harpa Valey Gylfadóttir, ÍBV (5/4)
  • Helena Rut Örvarsdóttir, Stjörnunni (42/80)
  • Hildigunnur Einarsdóttir, Val (81/82)
  • Lovísa Thompson, Val (24/50)
  • Ragnheiður Júlíusdóttir, Fram (31/41)
  • Rut Arnfjörð Jónsdóttir, KA/Þór (99/209)
  • Sandra Erlingsdóttir, EH Aalborg (3/5)
  • Sunna Jónsdóttir, ÍBV (58/43)
  • Thea Imani Sturludóttir, Val (45/58)
  • Tinna Sól Björgvinsdóttir, HK (3/5)
  • Unnur Ómarsdóttir, KA/Þór (29/28)
Handbolti Íslenski handboltinn EM kvenna í handbolta 2022

Mest lesið


Fleiri fréttir

Sjá meira


×

Mest lesið