Hraun úr eldgosinu á La Palma á Kanaríeyjum hefur nú náð í sjó fram. Óttast er að það geti valdið gasmengun og sprengingum þegar glóandi hraunið kemst í snertingu við kalt Atlantshafið.
Mörg hundruð heimili hafa þegar orðið hrauninu að bráð en gos hófst í Cumbre Vieja eldfjallinu þann 19. september síðastliðinn.
Um 6.000 manns hafa þurft að yfirgefa heimili sín og tjón hefur orðið á innviðum og bananaplantekrum eyjarinnar. Þrjú þorp við ströndina höfðu þegar verið tæmd þegar fyrir lá hvar hraunið myndi renna í sjó fram.
Að neðan má sjá myndband af því þegar hraunið rennur í sjó fram.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
