Óhætt að fara til Tenerife þrátt fyrir gos á La Palma

Birgir Olgeirsson skrifar 21. september 2021 10:23

„Það er alveg óhætt fyrir fólk að fara á Tenerife,“ segir Þorvaldur Þórðarson, prófessor í eldfjallafræði, í samtali við Vísi hvort óhætt sé að ferðast til Tenerife á meðan gosið á La Palma stendur yfir.

Þorvaldur bendir á að Tenerife sé í talsverðri fjarlægð frá La Palma, um 150 kílómetra í burtu.

„Þetta væri eins og að hika við að fara til Reykjavíkur þegar það er lítið basalt gos í Öskju eða Veiðivötnum,“ bendir Þorvaldur á.

Tenerife er í um 150 kílómetra fjarlægð frá La Palma.

Þetta segir Þorvaldur að því gefnu að gosið á La Palma taki ekki breytingum en eins og staðan er í dag er mengunin af því staðbundin og muni ekki hafa áhrif á þá staði sem eru í talsverðri fjarlægð.

„Það er líka að draga úr gosinu, það er að hægja á sér. Sem er ósköp eðlilegt, því svona gos byrja alltaf með töluverðum látum.“

Eldgos og jarðhræringar Spánn Kanaríeyjar Ferðalög Eldgos á La Palma

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.