Oddvitaáskorunin: Flutti ein til útlanda án þess að kunna orð í tungumálinu Samúel Karl Ólason skrifar 16. september 2021 21:01 Vísir stendur fyrir Oddvitaáskoruninni 2021 þar sem skorað er á oddvita allra flokka í kjördæmum um land allt að taka þátt. Áskorunin felur í sér stutta kynningu og að svara nokkrum léttum spurningum. Þórdís Kolbrún Reykjfjörð Gylfadóttir leiðir lista Sjálfstæðisflokksins í Norðvesturkjördæmi í kosningunum. „Ég er fædd og uppalin á Akranesi en ættuð frá Vestfjörðum. Gift Hjalta mínum Sigvaldasyni Mogensen lögmanni og við eigum tvö yndisleg börn, Marvin Gylfa (2012) og Kristínu Fjólu (2016). Pabbi minn er iðnaðarmaður og rekur fyrirtæki uppi á Grundartanga og mamma mín er sjúkraliði.“ „Uppeldið var ástríkt og þau hafa stutt mig í öllu. Leiðarstefið var í grunninn að gera það sem þarf til að standa á eigin fótum, vera sjálfstæð og að eðlilegt sé að hafa þurfi fyrir hlutunum. Ég á þrjá dásamlega bræður og marga góða vini, æfði sund í 10 ár, er stúdent frá Fjölbrautaskóla Vesturlands Akranesi og var í skiptinámi á vegum AFS í Vínarborg einn vetur. Ég lauk BA og ML prófi í lögfræði frá HR og stundaði Erasmus-skiptinám við Universität Salzburg. Eftir að hafa starfað meðal annars sem framkvæmdastjóri þingflokks Sjálfstæðisflokksins, stundakennari í stjórnskipunarrétti við lagadeild HR og aðstoðarmaður Ólafar Nordal innanríkisráðherra sóttist ég eftir þingsæti haustið 2016. Ég hef verið ferðamála-, iðnaðar- og nýsköpunarráðherra síðan í janúar 2017 og dómsmálaráðherra frá mars til september 2019. Ég hlaut kjör til Alþingis fyrir Norðvesturkjördæmi 2016 og var kjörin varaformaður Sjálfstæðisflokksins á landsfundi flokksins 2018.“ Hver er fallegasti staðurinn á Íslandi? Rauðasandur og Ásbyrgi. Hvað færðu þér í bragðaref? Jarðarber, bláber og daim. Uppáhalds bók? Bókaþjófurinn. Uppáhalds „guilty pleasure“ lag? (skammast þín smá fyrir að hafa gaman af því – sakbitin sæla) Elstu lögin með Spice Girls. Hvar á Íslandi myndir þú helst vilja búa? (Ekki í þínu kjördæmi) Á Egilsstöðum. Dundaðir þú þér við eitthvað á tímum Covid og samkomutakmarkana? Hámhorf eða nýtt áhugamál, sem dæmi. Við hjónin fórum í tímabærar framkvæmdir á heimilinu okkar sem hefur gert heimilið meira að okkar. Hvað tekur þú í bekk? Ekki hugmynd. En ég syndi hratt. Burstar þú tennurnar fyrir eða eftir morgunmat? Borða sjaldan morgunmat en þegar ég geri það bursta ég á eftir. Draumastarfið? (Fyrir utan þingsetu) Láta nýjar hugmyndir verða að veruleika í sprotafyrirtæki með meiriháttar frumkvöðlum. Hvað myndir þú segja við Kim Jong Un, einræðisherra Norður-Kóreu, ef þú myndir hitta hann í einrúmi? Jæja, fer ekki að verða kominn tími til að keyra annað prógram hérna? Uppáhalds tónlistarmaður? Beyoncé. Besti fimmaurabrandarinn? Fimm maurar gengu inn á bar. - Það er besti fimmmaurabrandarinn. Annars er Ólafur Teitur vinur minn og samstarfsmaður svo virkur í fimmaurunum að það er erfitt að velja. Ein sterkasta minningin úr æsku? Morgnarnir þegar mamma var á morgunvakt á sjúkrahúsinu og skutlaði mér til ömmu Dísu neðar í götunni þar sem ég skreið upp í til hennar þangað til ég fór í leikskólann. Að spila við ömmu og horfa með henni á hundinn Rex. Svo eru sterkar minningar ferðirnar í Hnífsdal að heimsækja ömmu og afa í Holti, leikvöllurinn fyrir aftan hús sérstaklega. Hver er fyrirmynd þín í pólitík? Engin ein fyrirmynd en ég tek margt gott frá mörgu góðu fólki. Besta íslenska Eurovision-lagið? Hvað með það? með Daða og gagnamagninu. Besta frí sem þú hefur farið í? Ferð um Ítalíu sem maðurinn minn skipulagði. Uppáhalds þynnkumatur? Just Wing it vængir og eplasvali. Hve oft hefur þú farið að sjá eldgosið? Þrisvar sinnum, ólík náttúruundur og áfangastaðir í hvert skipti. Litli bróðir minn flýgur yfir gosstöðvarnar, ég á þá ferð eftir. Uppáhalds Fóstbræðraatriði? Hann sagði að ég væri drekinn. Uppáhalds uppátækið frá framhaldsskólaárunum? Flytja ein til útlanda án þess að kunna orð í tungumálinu, standa á eigin fótum, ferðast og fara út fyrir þægindarammann var uppáhalds þótt það hljómi ekki flippað. Rómantískasta uppátækið? Það er okkar. Oddvitaáskorunin Alþingiskosningar 2021 Norðvesturkjördæmi Sjálfstæðisflokkurinn Mest lesið „Núna þori ég miklu meira“ Tíska og hönnun „Svo leiðinlegt að pæla hvað öðru fólki finnst“ Tónlist Sólveig og Halldór gáfu dótturinni nafn Lífið Upplifa hótel lúxus í tjaldútilegunni Lífið samstarf Rétturinn sem fær konurnar niður á hnén Lífið Vala Grand og Brynjólfur flytja á Skagann Lífið Slær á létta strengi í þinginu og afhenti ráðherra „Gyllta tappann“ Lífið Fyrst skíði og nú golf Lífið Brady og Bloom sagðir sólgnir í Sweeney Lífið Drakk ógeðslega illa og hætti eftir blindafyllerí Lífið Fleiri fréttir Sólveig og Halldór gáfu dótturinni nafn Slær á létta strengi í þinginu og afhenti ráðherra „Gyllta tappann“ Of Monsters and Men gefa út nýtt lag Brady og Bloom sagðir sólgnir í Sweeney Fyrst skíði og nú golf Rétturinn sem fær konurnar niður á hnén „Takk Hreyfill frá Vorsabæ“ Vala Grand og Brynjólfur flytja á Skagann Árin hjá Spotify ævintýri líkust Einar fékk meira hár en Baldur „Öruggt athvarf fyrir hinsegin samfélagið“ Stjörnulífið: Suðræn sæla og seiðandi kroppar Drakk ógeðslega illa og hætti eftir blindafyllerí „Aldrei grátið jafn mikið af gleði“ „Það eru smá blendnar tilfinningar að vera farin“ Travolta klæddi sig óvænt upp sem Danny Zuko Elliot Page frumsýndi nýju kærustuna á Skólavörðustígnum Skordýrabrúðkaup í Laugardalslaug Krakkatían: Leikhópurinn Lotta, fótboltamót og sumarsólstöður Sonur Rögnu og Árna fæddur Einn með fyrsta vinning og vann tæpar 54 milljónir Lilja Sif Pétursdóttir krýnd Miss Supranational Europe og talin myndfríðust Fréttatía vikunnar: Leiðtogafundur, Hollywood-stjarna og umdeilt brúðkaup Stefnir á sigur í stærstu kokkakeppni heims Áslaug selur glæsiíbúð í Reykjavík Vægar viðreynslur en engir pervertar Martin Österdahl hættir hjá Eurovision Kyana og Viktor giftu sig undir berum himni Beckham á spítala Albert og Guðlaug saman í fríi á Ibiza Sjá meira
Þórdís Kolbrún Reykjfjörð Gylfadóttir leiðir lista Sjálfstæðisflokksins í Norðvesturkjördæmi í kosningunum. „Ég er fædd og uppalin á Akranesi en ættuð frá Vestfjörðum. Gift Hjalta mínum Sigvaldasyni Mogensen lögmanni og við eigum tvö yndisleg börn, Marvin Gylfa (2012) og Kristínu Fjólu (2016). Pabbi minn er iðnaðarmaður og rekur fyrirtæki uppi á Grundartanga og mamma mín er sjúkraliði.“ „Uppeldið var ástríkt og þau hafa stutt mig í öllu. Leiðarstefið var í grunninn að gera það sem þarf til að standa á eigin fótum, vera sjálfstæð og að eðlilegt sé að hafa þurfi fyrir hlutunum. Ég á þrjá dásamlega bræður og marga góða vini, æfði sund í 10 ár, er stúdent frá Fjölbrautaskóla Vesturlands Akranesi og var í skiptinámi á vegum AFS í Vínarborg einn vetur. Ég lauk BA og ML prófi í lögfræði frá HR og stundaði Erasmus-skiptinám við Universität Salzburg. Eftir að hafa starfað meðal annars sem framkvæmdastjóri þingflokks Sjálfstæðisflokksins, stundakennari í stjórnskipunarrétti við lagadeild HR og aðstoðarmaður Ólafar Nordal innanríkisráðherra sóttist ég eftir þingsæti haustið 2016. Ég hef verið ferðamála-, iðnaðar- og nýsköpunarráðherra síðan í janúar 2017 og dómsmálaráðherra frá mars til september 2019. Ég hlaut kjör til Alþingis fyrir Norðvesturkjördæmi 2016 og var kjörin varaformaður Sjálfstæðisflokksins á landsfundi flokksins 2018.“ Hver er fallegasti staðurinn á Íslandi? Rauðasandur og Ásbyrgi. Hvað færðu þér í bragðaref? Jarðarber, bláber og daim. Uppáhalds bók? Bókaþjófurinn. Uppáhalds „guilty pleasure“ lag? (skammast þín smá fyrir að hafa gaman af því – sakbitin sæla) Elstu lögin með Spice Girls. Hvar á Íslandi myndir þú helst vilja búa? (Ekki í þínu kjördæmi) Á Egilsstöðum. Dundaðir þú þér við eitthvað á tímum Covid og samkomutakmarkana? Hámhorf eða nýtt áhugamál, sem dæmi. Við hjónin fórum í tímabærar framkvæmdir á heimilinu okkar sem hefur gert heimilið meira að okkar. Hvað tekur þú í bekk? Ekki hugmynd. En ég syndi hratt. Burstar þú tennurnar fyrir eða eftir morgunmat? Borða sjaldan morgunmat en þegar ég geri það bursta ég á eftir. Draumastarfið? (Fyrir utan þingsetu) Láta nýjar hugmyndir verða að veruleika í sprotafyrirtæki með meiriháttar frumkvöðlum. Hvað myndir þú segja við Kim Jong Un, einræðisherra Norður-Kóreu, ef þú myndir hitta hann í einrúmi? Jæja, fer ekki að verða kominn tími til að keyra annað prógram hérna? Uppáhalds tónlistarmaður? Beyoncé. Besti fimmaurabrandarinn? Fimm maurar gengu inn á bar. - Það er besti fimmmaurabrandarinn. Annars er Ólafur Teitur vinur minn og samstarfsmaður svo virkur í fimmaurunum að það er erfitt að velja. Ein sterkasta minningin úr æsku? Morgnarnir þegar mamma var á morgunvakt á sjúkrahúsinu og skutlaði mér til ömmu Dísu neðar í götunni þar sem ég skreið upp í til hennar þangað til ég fór í leikskólann. Að spila við ömmu og horfa með henni á hundinn Rex. Svo eru sterkar minningar ferðirnar í Hnífsdal að heimsækja ömmu og afa í Holti, leikvöllurinn fyrir aftan hús sérstaklega. Hver er fyrirmynd þín í pólitík? Engin ein fyrirmynd en ég tek margt gott frá mörgu góðu fólki. Besta íslenska Eurovision-lagið? Hvað með það? með Daða og gagnamagninu. Besta frí sem þú hefur farið í? Ferð um Ítalíu sem maðurinn minn skipulagði. Uppáhalds þynnkumatur? Just Wing it vængir og eplasvali. Hve oft hefur þú farið að sjá eldgosið? Þrisvar sinnum, ólík náttúruundur og áfangastaðir í hvert skipti. Litli bróðir minn flýgur yfir gosstöðvarnar, ég á þá ferð eftir. Uppáhalds Fóstbræðraatriði? Hann sagði að ég væri drekinn. Uppáhalds uppátækið frá framhaldsskólaárunum? Flytja ein til útlanda án þess að kunna orð í tungumálinu, standa á eigin fótum, ferðast og fara út fyrir þægindarammann var uppáhalds þótt það hljómi ekki flippað. Rómantískasta uppátækið? Það er okkar.
Oddvitaáskorunin Alþingiskosningar 2021 Norðvesturkjördæmi Sjálfstæðisflokkurinn Mest lesið „Núna þori ég miklu meira“ Tíska og hönnun „Svo leiðinlegt að pæla hvað öðru fólki finnst“ Tónlist Sólveig og Halldór gáfu dótturinni nafn Lífið Upplifa hótel lúxus í tjaldútilegunni Lífið samstarf Rétturinn sem fær konurnar niður á hnén Lífið Vala Grand og Brynjólfur flytja á Skagann Lífið Slær á létta strengi í þinginu og afhenti ráðherra „Gyllta tappann“ Lífið Fyrst skíði og nú golf Lífið Brady og Bloom sagðir sólgnir í Sweeney Lífið Drakk ógeðslega illa og hætti eftir blindafyllerí Lífið Fleiri fréttir Sólveig og Halldór gáfu dótturinni nafn Slær á létta strengi í þinginu og afhenti ráðherra „Gyllta tappann“ Of Monsters and Men gefa út nýtt lag Brady og Bloom sagðir sólgnir í Sweeney Fyrst skíði og nú golf Rétturinn sem fær konurnar niður á hnén „Takk Hreyfill frá Vorsabæ“ Vala Grand og Brynjólfur flytja á Skagann Árin hjá Spotify ævintýri líkust Einar fékk meira hár en Baldur „Öruggt athvarf fyrir hinsegin samfélagið“ Stjörnulífið: Suðræn sæla og seiðandi kroppar Drakk ógeðslega illa og hætti eftir blindafyllerí „Aldrei grátið jafn mikið af gleði“ „Það eru smá blendnar tilfinningar að vera farin“ Travolta klæddi sig óvænt upp sem Danny Zuko Elliot Page frumsýndi nýju kærustuna á Skólavörðustígnum Skordýrabrúðkaup í Laugardalslaug Krakkatían: Leikhópurinn Lotta, fótboltamót og sumarsólstöður Sonur Rögnu og Árna fæddur Einn með fyrsta vinning og vann tæpar 54 milljónir Lilja Sif Pétursdóttir krýnd Miss Supranational Europe og talin myndfríðust Fréttatía vikunnar: Leiðtogafundur, Hollywood-stjarna og umdeilt brúðkaup Stefnir á sigur í stærstu kokkakeppni heims Áslaug selur glæsiíbúð í Reykjavík Vægar viðreynslur en engir pervertar Martin Österdahl hættir hjá Eurovision Kyana og Viktor giftu sig undir berum himni Beckham á spítala Albert og Guðlaug saman í fríi á Ibiza Sjá meira