Heilu þorpin rýmd vegna skógarelda í Andalúsíu

Gunnar Reynir Valþórsson skrifar 13. september 2021 07:12

Um 7.400 hektarar gróðurlendis hafa nú brunnið á svæðinu. EPA

Um tvö þúsund manns hafa þurft að yfirgefa heimili sín í Andalúsíu á Spáni eftir að skógareldar kviknuðu þar í síðustu viku.

Einn slökkviliðsmaður hefur látist í eldunum en þeir virðast hafa kviknað á miðvikudaginn í hálendi fyrir ofan strandbæinn vinsæla Estepona á Costa del Sol, að því er segir í frétt Guardian.

Herlið hefur verið kallað út til aðstoðar við slökkvistörfin en svæðið er fjallent og erfitt yfirferðar.

Í gær voru sex þorp á svæðinu rýmd en á föstudag höfðu þorpsbúar í fimm öðrum þorpum einnig þurft að yfirgefa heimili sín.

Um 7.400 hektarar gróðurlendis hafa nú brunnið á svæðinu. Heimamenn segjast aldrei hafa sé viðlíka hamfarir en eldarnir hafa breitt úr sér með ógnarhraða um helgina.

Spánn Náttúruhamfarir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.