Oddvitaáskorunin: Brennur fyrir því að bæta samfélagið

Ásmundur Einar Daðason leiðir lista Framsóknarflokksins í Reykjavíkurkjördæmi norður í þingkosningunum.

„Þegar ég varð félags- og barnamálaráðherra var ég staðráðinn í að koma í gegn raunverulegum kerfisbreytingum á kjörtímabilinu í málefnum barna og fjölskyldna.

Við lögðum hart að okkur á kjörtímabilinu og unnum með fjölbreyttum og færum hópi fólks að því að ná fram umbótum. Vinnan bar árangur, okkur tókst að smíða grunn að nýju kerfi sem á að grípa börn og fjölskyldur þeirra þegar þau þurfa mest á aðstoð að halda. Grunnurinn tryggir að þau falli ekki á milli kerfa sveitarfélaga og ríkisstofnana.“

„Þetta eru einhverjar mestu breytingar sem gerðar hafa verið fyrir umhverfi barna á Íslandi í áratugi. Börnin eru hjartað í þessu nýja kerfi. En verkefninu er ekki lokið. Fleiri hópar þurfa nauðsynlega á sömu umbótum að halda; eldri borgarar, þolendur, aðstandendur og fangar, svo dæmi séu nefnd. Það er nefnilega þannig að besta fjárfestingin sem við getum gert er fjárfesting í fólki. Fólkinu sem drífur hlutina áfram.

Ég brenn fyrir því að gera samfélagið okkar betra fyrir fólk í viðkvæmri stöðu, fyrir fólk sem þarf á hjálp að halda. Til þess að geta haldið vinnunni áfram þarf ég þinn stuðning í september.“

Hver er fallegasti staðurinn á Íslandi?

Það eru svo margir staðir. Ásbyrgi í Öxarfirði á fallegum degi.

Hvað færðu þér í bragðaref?

Er ekki mikið fyrir bragðaref. Dæturnar panta yfirleitt fyrir mig.

Uppáhalds bók?

Engin ákveðin. Arnaldur alltaf góður.

Uppáhalds „guilty pleasure“ lag? (skammast þín smá fyrir að hafa gaman af því – sakbitin sæla)

„Back for good“ með Backstreet boys 😊

Hvar á Íslandi myndir þú helst vilja búa? (Ekki í þínu kjördæmi)

Grindavík.

Dundaðir þú þér við eitthvað á tímum Covid og samkomutakmarkana? Hámhorf eða nýtt áhugamál, sem dæmi.

Netflix, útivera með fjölskyldu og spilakvöld með dætrunum.

Hvað tekur þú í bekk?

Alltof lítið…

Burstar þú tennurnar fyrir eða eftir morgunmat?

Fyrir.

Draumastarfið? (Fyrir utan þingsetu)

Vinna með börnum.

Hvað myndir þú segja við Kim Jong Un, einræðisherra Norður-Kóreu, ef þú myndir hitta hann í einrúmi?

Hættu þessu rugli.

Uppáhalds tónlistarmaður?

Bubbi.

Besti fimmaurabrandarinn?

Enginn sérstakur.

Ein sterkasta minningin úr æsku?

Pass.

Hver er fyrirmynd þín í pólitík?

Eleanor Roosewelt.

Besta íslenska Eurovision-lagið?

„Ég á líf“ með Eyþóri Inga.

Besta frí sem þú hefur farið í?

Ekkert eitt sem stendur uppúr. Alltaf jafn gaman að fara eitthvað með fjölskyldunni.

Uppáhalds þynnkumatur?

Hamborgari og franskar.

Hve oft hefur þú farið að sjá eldgosið?

Einu sinni.

Uppáhalds Fóstbræðraatriði?

Boocia atriðið með Jóni Gnarr.

Uppáhalds uppátækið frá framhaldsskólaárunum?

Svarið við þessari spurningu þolir ekki dagsljósið 😉

Rómantískasta uppátækið?

Heilt yfir eru það góðar helgarferðir með minni heitt elskuðu. Alltaf jafn rómantískt.