Sport

Bergrún áttunda í langstökki

Ingvi Þór Sæmundsson skrifar
Bergrún Ósk Aðalsteinsdóttir hefur verið valin íþróttakona fatlaðra þrjú ár í röð.
Bergrún Ósk Aðalsteinsdóttir hefur verið valin íþróttakona fatlaðra þrjú ár í röð. vísir/vilhelm

Bergrún Ósk Aðalsteinsdóttir hafnaði í 8. sæti í langstökki í flokki T37 á Ólympíumóti fatlaðra í Tókýó í dag.

Lengsta stökk FH-ingsins var 4,04 metrar en hún náði því í 3. umferð. Næstlengsta stökk Bergrúnar var 4,01 metri. Besti árangur hennar í greininni er 4,27 metrar.

Xiaoyan Wen frá Kína hafði mikla yfirburði í keppninni en lengsta stökk hennar var 5,13 metrar. Jaleen Roberts frá Bandaríkjunum kom næst með stökk upp á 4,65 metra.

Bergrún hefur nú lokið leik á sínu fyrsta Ólympíumóti. Í gær keppti hún í kúluvarpi og stórbætti Íslandsmetið sitt í greininni.

Bergrún kastaði 9,57 metra og bætti Íslandsmetið sitt um 47 sentímetra. Hún endaði í 7. sæti.




Fleiri fréttir

Sjá meira


×