Innlent

66 greindust innan­lands

Atli Ísleifsson skrifar
Rúmlega 10 þúsund manns hafa greinst með kórónuveiruna hér á landi frá upphafi faraldursins.
Rúmlega 10 þúsund manns hafa greinst með kórónuveiruna hér á landi frá upphafi faraldursins. Vísir/Vilhelm

66 greindust með kórónuveiruna innanlands í gær. Átján þeirra sem greindust innanlands í gær voru í sóttkví við greiningu, eða 27 prósent nýgreindra. 48 voru utan sóttkvíar, eða um 73 prósent.

Þetta kemur fram í uppfærðum tölum á vefnum covid.is.

Alls eru 932 nú í einangrun, en voru 930 í gær. 1.655 eru nú í sóttkví, en voru 1.493 í gær. 898 eru nú í skimunarsóttkví.

Þá eru fjórtán nú á sjúkrahúsi vegna Covid-19, en voru átján í gær. Þrír eru á gjörgæslu, samanborið við fjóra í gær. Síðustu daga hafa tveir látist af völdum Covid-19, en alls eru þá 32 dauðsföll á Íslandi rakin til Covid-19.

Fjórir greindust á landamærum í gær – þrír með virkt smit í fyrri landamæraskimun og einn í seinni skimun.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 299,4, en var 316,9 í gær. Nýgengi á smiti á landamærum er nú 12,0, en var 10,9 í gær.

Alls hafa 10.514 manns greinst með kórónuveiruna hér á landi frá því faraldurinn hófst í lok febrúar á síðasta ári.

Tekin voru 1.945 einkennasýni í gær, 793 sýni á landsmærum og 693 sóttkvíar- og handahófssýni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.