Hægt að kjósa utankjörfundar í Smáralind og Kringlunni

Kjartan Kjartansson skrifar 23. ágúst 2021 12:33

Smáralind í Kópavogi er annar tveggja staða á höfuðborgarsvæðinu þar sem hægt er að greiða atkvæði utan kjörfundar. Vísir/Egill

Utankjörfundaratkvæðagreiðsla fyrir Alþingiskosningar á höfuðborgarsvæðinu fer nú fram í verslunarmiðstöðvunum Smáralind og Kringlunni.

Alþingiskosningarnar fara fram 25. september en utankjörfundaratkvæðagreiðsla hófst hjá sýslumönnum á landinu 13. ágúst.

Í tilkynningu frá sýslumanninum á höfuðborgarsvæðinu kemur fram að nú fari utankjörfundaratkvæðagreiðslan fram á 1. hæð í Smáralind, nálægt inngangi í norðaustuhluta, og á bíógangi á þriðju hæð Kringlunnar.

Opið er alla daga vikunnar milli klukkan 10:00 og 22:00. Á kjördag verður aðeins opið í Smáralind frá 10:00 til 17:00 og eingöngu fyrir kjósendur sem eru á kjörskrá utan höfuðborgarsvæðsins.

Alþingiskosningar 2021 Reykjavík Kópavogur Smáralind Kringlan Stjórnsýsla

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.