Formaður sjúkrahússlækna segir ráðherrum að hætta að hlusta á forstjórann Kolbeinn Tumi Daðason skrifar 22. ágúst 2021 15:31 Theódór Skúli Sigurðsson biður ráðherra um að hlusta á starfsfólk Landspítalans en ekki stjórnendur. Theódór Skúli Sigurðsson, formaður sjúkrahússlækna, segir af og frá að mönnunarvandi sé eina vandamál Landspítalans en ekki fjármögnun. Það megi álykta af orðum ráðherra eftir fund með forstjóra Landspítalans. Theódór segir að sparnaðaraðgerðir hafi gengið svo langt að heilbrigðisstarfsmenn hafi hreinlega átt að hætta að hjúkra og lækna. Markmiðið væri að spara. Theodór segir að orð Bjarna Benediktssonar fjármálaráðherra og Katrínar Jakobsdóttur forsætisráðherra í kjölfar fundar með Páli Matthíassyni, forstjóra Landspítalans, hafi komið honum mjög á óvart. Deilir hann viðtali við Katrínu í Bítinu á Bylgjunni í vikunni. „Ég myndi segja að stóri vandinn sé mönnun heilbrigðiskerfisins og mönnun spítalans,“ sagði Katrín í viðtalinu og nefndi nýlegan samning við Klíníkina. Ekki væri um séríslenskt vandamál að ræða heldur væri sömuleiðis skortur á hinum Norðurlöndunum. Þá þyrfti að auka framboð á menntun hér á landi auk þess að bæta laun og starfsaðstæður, sem gert hafi verið. Bjarni sagði í viðtali við Ríkisútvarpið í vikunni að staðan á gjörgæslunni væri ekki fjármögnunarvandi. Þarf þyrfti fleiri menntaða starfsmenn með rétta sérhæfingu. „Þar erum við klárlega með of fáa sem eru að útskrifast og það þarf að gera átak í því að fá fleiri á þessar viðkvæmu deildir. Við eigum alveg ofboðslega mikið undir því, enda er staðan á gjörgæslunni á Íslandi í dag ekki fjármögnunarvandi. Það hefur komið hér fram á fundum með heilbrigðisráðherra og forstjóra Landspítalans,“ sagði Bjarni. Bjarni Benediktsson fjármálaráðherra hefur sagst merkja að nýlegir samningar lækna og hjúkrunarfræðinga hafi þýtt fjölgun íslensks heilbrigðisstarfsfólks sem leiti heim til Íslands.Vísir/Vilhelm Theodór segist þurfa að setja hlutina í samhengi Sjálfur hafi hann snúið heim úr sérnámi í svæfingum- og gjörgæslulækningum fyrir fjórum árum. Á þeim tíma hafi ítrekað verið varað við stöðunni á gjörgæsludeildum Landspítalans í ræðu og riti. „Eftir nokkrar COVID bylgjur hélt undiritaður að stjórnendur Landspítalans hefðu loksins áttað sig á erfiðri stöðu en um leið lykilhlutverki gjörgæsludeildanna fyrir íslenska heilbrigðiskerfið. Ákvörðun um að fækka úr 13 gjörgæsluplássum niður í 10 fyrir sumarið 2021 voru því mikil persónuleg vonbrigði enda setti þetta Ísland í botnsæti Evrópuþjóða hvað varðar fjölda gjörgæsluplássa,“ segir Theodór. Páll Matthíasson er forstjóri Landspítalans. Theódór Skúli hvetur ráðherra til að hætta að hlusta á forstjórann.Vísir/vilhelm Hann hafi ítrekað í samtölum við yfirmenn og stjórnendur Landspítalans áhættuna við þessa fækkun gjörgæsluplássa í skugga heimsfaraldurs, opnun landamæra og fjölgun ferðamanna. „Á fyrrnefndum fundum og samtölum með stjórnendum Landspítalans voru ástæður þessa niðurskurðar ávallt miklar sparnaðarkröfur stjórnvalda á Landspítalann.“ Fram að áramótum hafi þurft að spara 750 milljónir til að halda fjárhag Landspítalans réttum megin við strikið með öllum ráðum. Frá starfi á gjörgæsludeild Landspítalans.Vísir/EinarÁ „Læknar voru beðnir um að lækka starfshlutfall, ekki átti að greiða læknum aukagreiðslu fyrir að taka vakt vegna forfalla, loka skurðstofum, stöðva dýrari inngrip og fækka gjörgæsluplássum Við áttum einfaldlega að hætta að lækna og hjúkra til að spara!“ Theodór segir yfirstjórn Landspítalans meðvitað hafa tekið sénsinn og tapað. Samfélagið taki afleiðingunum. Tínir Theodór til fimm atriði máli sínu til stuðnings. Síðasta vetur sóttu mun fleiri hjúkrunarfræðingar um vinnu á gjörgæsludeildunum, en færri fengu en vildu þar sem takmakaður fjöldi staða var í boði Engin sumarbónus var í boði (sem oft hefur tíðkast) fyrir starfsmenn sem myndu velja að fresta sumarfríum yfir mesta álagstímann þótt ljóst væri að fleiri hundruð vakta væru ómannaðar Hætt var að bjóða starfsmönnum 25% lengingu á fríum sem tekin væru utan sumarleyfistíma þótt margir hefðu örugglega valið þann möguleika Starfsmannavelta gjörgæslunnar er tæplega 60 starfsmenn/sólarhring við núverandi aðstæður og samningur Klíníkurinnar við Sjúkratryggingar Íslands skilaði 2 starfsmönnum inná gjörgæsluna í síðustu viku. Sá misskilningur virðist ríkja í stjórnkerfinu að þótt fjármagnið fyrir hágæsluna hafi verið samþykkt í upphafi vikunnar sé hægt að opna plássin í sömu viku. Marga mánuði mun taka að þjálfa upp nægjanlega mikið af starfsfólki (en skýrsla sem staðfesti þörf á hágæslu var tilbúin fyrir meira en 18 mánuðum). Ítrekuð langdregin kjarabarátta heilbrigðisstétta með tilheyrandi verkföllum, lagasetningum og kjaradómum auk umdeildra einhliða kjarasamningstúlkana Landspítalans hafa skilið eftir sig ör sem seint munu gróa og nú er nóg komið! Hann segir heilbrigðisstarfsfólk og landsmenn munu komast saman í gengum faraldurinn eins og önnur áföll. Þá beinir hann orðum sínum til fyrrnefndra ráðherra, Katrínar og Bjarna. „Hlustið frekar á starfsmenn Landspítalans en ekki þá sem hafa stýrt síðasta áratuginn með núverandi afleiðingum. Hættið að tala um hvað búið er að gera og einbeitið ykkur að því sem þarf að gera. Byggjum upp sterkan Landspítala sem við getum öll verið stolt af og viljum starfa á inní ókomna framtíð.“ Björn Zoega var forstjóri Landspítalans á árunum 2010-2013 en er í dag forstjóri Karolinska sjúkrahússins í Stokkhólmi. Páll Matthíasson hefur verið forstjóri Landspítalans frá árinu 2013. Landspítalinn Heilbrigðismál Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið María Sigrún látin fara úr Kveik Innlent „Það er enginn sem verndar son okkar“ Innlent Halla Hrund mælist með mest fylgi allra frambjóðenda Innlent Ætlar í aðra undirskriftasöfnun Innlent Krefjast skýringa á brotthvarfi Maríu Sigrúnar Innlent Sveddi sagður með tengsl við ítölsku mafíuna Innlent Forsetavaktin 2024: Hver verður sjöundi forseti lýðveldisins? Innlent Uppgangur Höllu Hrundar fari fyrir brjóstið á „valdastéttinni“ Innlent Hraun mjakast yfir varnargarð Innlent Svona var stemmningin á lokaspretti forsetaefnanna í Hörpu Innlent Fleiri fréttir Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Tíu kílómetrar eftir af hundrað: Gangan miklu erfiðari en hann óraði fyrir 800 milljóna króna hreinsistöð byggð á Selfossi Sveddi sagður með tengsl við ítölsku mafíuna Vara við því að fara gangandi að gosinu Kastaði glerflösku í höfuð manns og gisti í fangaklefa „Það er enginn sem verndar son okkar“ Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Landsréttur komi fram við ákæruvaldið eins og lítið barn Mannasættir sem óttist ekki að standa í fæturnar Mótmælendur fengu óvæntan liðstyrk frá Hollywood Sjá meira
Theodór segir að orð Bjarna Benediktssonar fjármálaráðherra og Katrínar Jakobsdóttur forsætisráðherra í kjölfar fundar með Páli Matthíassyni, forstjóra Landspítalans, hafi komið honum mjög á óvart. Deilir hann viðtali við Katrínu í Bítinu á Bylgjunni í vikunni. „Ég myndi segja að stóri vandinn sé mönnun heilbrigðiskerfisins og mönnun spítalans,“ sagði Katrín í viðtalinu og nefndi nýlegan samning við Klíníkina. Ekki væri um séríslenskt vandamál að ræða heldur væri sömuleiðis skortur á hinum Norðurlöndunum. Þá þyrfti að auka framboð á menntun hér á landi auk þess að bæta laun og starfsaðstæður, sem gert hafi verið. Bjarni sagði í viðtali við Ríkisútvarpið í vikunni að staðan á gjörgæslunni væri ekki fjármögnunarvandi. Þarf þyrfti fleiri menntaða starfsmenn með rétta sérhæfingu. „Þar erum við klárlega með of fáa sem eru að útskrifast og það þarf að gera átak í því að fá fleiri á þessar viðkvæmu deildir. Við eigum alveg ofboðslega mikið undir því, enda er staðan á gjörgæslunni á Íslandi í dag ekki fjármögnunarvandi. Það hefur komið hér fram á fundum með heilbrigðisráðherra og forstjóra Landspítalans,“ sagði Bjarni. Bjarni Benediktsson fjármálaráðherra hefur sagst merkja að nýlegir samningar lækna og hjúkrunarfræðinga hafi þýtt fjölgun íslensks heilbrigðisstarfsfólks sem leiti heim til Íslands.Vísir/Vilhelm Theodór segist þurfa að setja hlutina í samhengi Sjálfur hafi hann snúið heim úr sérnámi í svæfingum- og gjörgæslulækningum fyrir fjórum árum. Á þeim tíma hafi ítrekað verið varað við stöðunni á gjörgæsludeildum Landspítalans í ræðu og riti. „Eftir nokkrar COVID bylgjur hélt undiritaður að stjórnendur Landspítalans hefðu loksins áttað sig á erfiðri stöðu en um leið lykilhlutverki gjörgæsludeildanna fyrir íslenska heilbrigðiskerfið. Ákvörðun um að fækka úr 13 gjörgæsluplássum niður í 10 fyrir sumarið 2021 voru því mikil persónuleg vonbrigði enda setti þetta Ísland í botnsæti Evrópuþjóða hvað varðar fjölda gjörgæsluplássa,“ segir Theodór. Páll Matthíasson er forstjóri Landspítalans. Theódór Skúli hvetur ráðherra til að hætta að hlusta á forstjórann.Vísir/vilhelm Hann hafi ítrekað í samtölum við yfirmenn og stjórnendur Landspítalans áhættuna við þessa fækkun gjörgæsluplássa í skugga heimsfaraldurs, opnun landamæra og fjölgun ferðamanna. „Á fyrrnefndum fundum og samtölum með stjórnendum Landspítalans voru ástæður þessa niðurskurðar ávallt miklar sparnaðarkröfur stjórnvalda á Landspítalann.“ Fram að áramótum hafi þurft að spara 750 milljónir til að halda fjárhag Landspítalans réttum megin við strikið með öllum ráðum. Frá starfi á gjörgæsludeild Landspítalans.Vísir/EinarÁ „Læknar voru beðnir um að lækka starfshlutfall, ekki átti að greiða læknum aukagreiðslu fyrir að taka vakt vegna forfalla, loka skurðstofum, stöðva dýrari inngrip og fækka gjörgæsluplássum Við áttum einfaldlega að hætta að lækna og hjúkra til að spara!“ Theodór segir yfirstjórn Landspítalans meðvitað hafa tekið sénsinn og tapað. Samfélagið taki afleiðingunum. Tínir Theodór til fimm atriði máli sínu til stuðnings. Síðasta vetur sóttu mun fleiri hjúkrunarfræðingar um vinnu á gjörgæsludeildunum, en færri fengu en vildu þar sem takmakaður fjöldi staða var í boði Engin sumarbónus var í boði (sem oft hefur tíðkast) fyrir starfsmenn sem myndu velja að fresta sumarfríum yfir mesta álagstímann þótt ljóst væri að fleiri hundruð vakta væru ómannaðar Hætt var að bjóða starfsmönnum 25% lengingu á fríum sem tekin væru utan sumarleyfistíma þótt margir hefðu örugglega valið þann möguleika Starfsmannavelta gjörgæslunnar er tæplega 60 starfsmenn/sólarhring við núverandi aðstæður og samningur Klíníkurinnar við Sjúkratryggingar Íslands skilaði 2 starfsmönnum inná gjörgæsluna í síðustu viku. Sá misskilningur virðist ríkja í stjórnkerfinu að þótt fjármagnið fyrir hágæsluna hafi verið samþykkt í upphafi vikunnar sé hægt að opna plássin í sömu viku. Marga mánuði mun taka að þjálfa upp nægjanlega mikið af starfsfólki (en skýrsla sem staðfesti þörf á hágæslu var tilbúin fyrir meira en 18 mánuðum). Ítrekuð langdregin kjarabarátta heilbrigðisstétta með tilheyrandi verkföllum, lagasetningum og kjaradómum auk umdeildra einhliða kjarasamningstúlkana Landspítalans hafa skilið eftir sig ör sem seint munu gróa og nú er nóg komið! Hann segir heilbrigðisstarfsfólk og landsmenn munu komast saman í gengum faraldurinn eins og önnur áföll. Þá beinir hann orðum sínum til fyrrnefndra ráðherra, Katrínar og Bjarna. „Hlustið frekar á starfsmenn Landspítalans en ekki þá sem hafa stýrt síðasta áratuginn með núverandi afleiðingum. Hættið að tala um hvað búið er að gera og einbeitið ykkur að því sem þarf að gera. Byggjum upp sterkan Landspítala sem við getum öll verið stolt af og viljum starfa á inní ókomna framtíð.“ Björn Zoega var forstjóri Landspítalans á árunum 2010-2013 en er í dag forstjóri Karolinska sjúkrahússins í Stokkhólmi. Páll Matthíasson hefur verið forstjóri Landspítalans frá árinu 2013.
Landspítalinn Heilbrigðismál Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið María Sigrún látin fara úr Kveik Innlent „Það er enginn sem verndar son okkar“ Innlent Halla Hrund mælist með mest fylgi allra frambjóðenda Innlent Ætlar í aðra undirskriftasöfnun Innlent Krefjast skýringa á brotthvarfi Maríu Sigrúnar Innlent Sveddi sagður með tengsl við ítölsku mafíuna Innlent Forsetavaktin 2024: Hver verður sjöundi forseti lýðveldisins? Innlent Uppgangur Höllu Hrundar fari fyrir brjóstið á „valdastéttinni“ Innlent Hraun mjakast yfir varnargarð Innlent Svona var stemmningin á lokaspretti forsetaefnanna í Hörpu Innlent Fleiri fréttir Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Tíu kílómetrar eftir af hundrað: Gangan miklu erfiðari en hann óraði fyrir 800 milljóna króna hreinsistöð byggð á Selfossi Sveddi sagður með tengsl við ítölsku mafíuna Vara við því að fara gangandi að gosinu Kastaði glerflösku í höfuð manns og gisti í fangaklefa „Það er enginn sem verndar son okkar“ Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Landsréttur komi fram við ákæruvaldið eins og lítið barn Mannasættir sem óttist ekki að standa í fæturnar Mótmælendur fengu óvæntan liðstyrk frá Hollywood Sjá meira