Körfubolti

Stelpurnar í riðli með Spánverjum í næstu undankeppni

Óskar Ófeigur Jónsson skrifar
Helena Sverrisdóttir í leik með íslenska landsliðinu.
Helena Sverrisdóttir í leik með íslenska landsliðinu. Vísir/Daníel

Íslenska kvennalandsliðið í körfubolta komst að því í morgun hvernig riðill liðsins lítur út í undankeppni Evrópumótsins.

Alls voru það 38 lið sem skráðu sig til leiks að þessu sinni en það er metskráning hjá kvennalandsliðum hjá FIBA Europe.

Ísland var í áttunda styrkleikaflokki þegar dregið var í riðla en Ísland átti möguleika á að lenda með liðum úr styrkleikaflokkum eitt, fjögur og fimm.

Ísland lenti með Spáni, Ungverjalandi og Rúmeníu í riðli en stelpurnar sluppu við að mæta Evrópumeisturum Serbíu eða bronsliði Frakka frá Ólympíuleikunum í Tókýó.

Spænska liðið lék bæði á Ólympíuleikunum og á lokamóti EM í sumar. Spánn lenti í sjöunda sæti á EM og í sjötta sæti í Tókýó.

Íslenska liðið hefur mætt liði Ungverja nokkrum sinnum áður í fyrri undankeppnum en Rúmenía er nýr mótherji fyrir íslensku stelpurnar.

KKÍ segir í fréttatilkynningu að vonir standa til að leikið verði heima og að heiman en ekki í sóttvarnarbubblum eins og hefur verið að undanförnu í landsliðsgluggum og er lagt upp með þá áætlun hjá FIBA fyrir nóvember.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.