Fuglaflensa er bráðsmitandi. Myndin er úr safni og tengist efni fréttarinnar ekki með beinum hætti.Vísir/Getty
Stjórnvöld á Fílabeinsströndinni hafa staðfest faraldur fuglaflensu í nágrenni borgarinnar Abidjan. Flensan sem er bráðsmitandi hefur skotið upp kollinum í nokkrum ríkjum Vestur-Afríkulöndum að undanförnu.
Sýnataka sýndi fram á að fjöldi fugla sem drapst í bænum Grand Bassam í síðasta mánuði hafi verið smitaðir af H5N1-fuglaflensunni. Yfirvöld segja að þegar hafi verið gripið til aðgerða og fuglum verið slátrað.
Flutningur á fiðurfé hefur verið takmarkaður á svæðinu í kringum Grand Bassam en það er rúma fjörutíu kílómetra utan við Abidjan sem er einn helsti kaupstaður landsins, að sögn Reuters-fréttastofunnar. Þá hefur innflutningur á fuglum frá öðrum löndum þar sem fuglaflensan hefur komið upp verið stöðvaður.
Þúsundum fugla var slátrað í Tógó og Gana þegar flensan greindist þar í júní og júlí. Tilfelli hafa einnig komið upp í Níger, Búrkína Fasó, Nígeríu, Máritaníu og Senegal á þessu ári. Síðast kom fuglaflensa upp á Fílabeinsströndinni árið 2006 og 2015.
Fuglaflensan H5N1 kom upp í Djagblé kantónunni steinsnar frá höfuðborginni Tomé í Tógó. Yfirvöld þar í landi hafa fyrirskipað inngripsmiklar aðgerðir til að stöðva útbreiðslu flensunnar.
Sérfræðingahópur hefur komist að þeirri niðurstöðu að töluverðar líkur séu á því að alvarleg afbrigði fuglaflensuveirunnar berist hingað með farfuglum, sem farnir eru að streyma til landsins.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
