Innlent

Hlaut heilahristing eftir fjögurra manna vespurúnt

Hólmfríður Gísladóttir skrifar
Vísir/Vilhelm

Umferðarslys varð í Kópavogi seint í gærkvöldi þegar ökumaður vespu missti stjórn á henni með þeim afleiðingum að hún fór á hliðina. Á vespunni voru fjórir 14 ára drengir og aðeins einn með hjálm.

Þrír slösuðust „lítið sem ekkert“ samkvæmt lögreglu en einn missti meðvitund stutta stund og er talinn hafa fengið heilahristing. Samband var haft við foreldra drengjanna.

Rétt fyrir kl. 1 í nótt varð annað slys í Kópavogi þegar ökumaður ók utan í kyrrstæðan bíl. Tjónvaldurinn stakk af en var stöðvaður skömmu síðar og er grunaður um akstur undir áhrifum áfengis og fíkniefna. 

Lögregla stöðvaði þrjá ökumenn í gærkvöldi og nótt sem reyndust ekki með gild ökuréttindi. Þá var tilkynnt um eignaspjöll á bifreið í miðborginni, þar sem skorið var á dekk og tilraun gerð til að kveikja í bílnum.

Lögreglumál Kópavogur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið