Sport

Djokovic tapaði í undanúrslitunum og á ekki möguleika á gullslemmunni

Ingvi Þór Sæmundsson skrifar
Novak Djokovic og Alexander Zverev fallast í faðma eftir undanúrslitaleikinn í dag.
Novak Djokovic og Alexander Zverev fallast í faðma eftir undanúrslitaleikinn í dag. getty/Jan Woitas

Serbinn Novak Djokovic tapaði fyrir Þjóðverjanum Alexander Zverev í undanúrslitum einliðaleiks í tennis á Ólympíuleikunum í Tókýó í dag.

Djokovic á því ekki möguleika á gullslemmunni svokölluðu, að vinna öll fjögur risamótin og Ólympíugull. Aðeins einum tennisspilara hefur tekist það, Steffi Graf 1988.

Djokovic byrjaði af miklum krafti og vann fyrsta settið, 1-6, en Zverev vann annað settið, 6-3. Það var fyrsta settið sem Djokovic tapaði á Ólympíuleikunum.

Zverev, sem er í 5. sæti heimslistans, gerði sér svo lítið fyrir og vann þriðja settið, 1-6, og tryggði sér þar með sæti í úrslitunum.

Þar mætir Zverev Rússanum Karen Khachanov. Í hinni undanúrslitaviðureigninni sigraði Khachanov Spánverjann Pablo Carreno Busta.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.