Atvinnulíf

Að vera óánægður í nýju vinnunni

Rakel Sveinsdóttir skrifar
Það er erfitt að mæta til vinnu dag eftir dag en upplifa sig óánægðan í vinnunni. Og það kannski í nýrri vinnu.
Það er erfitt að mæta til vinnu dag eftir dag en upplifa sig óánægðan í vinnunni. Og það kannski í nýrri vinnu. Vísir/Getty

Á tímum heimsfaraldurs upplifa flestir þakklæti fyrir það að hafa vinnu og framfærsluöryggi. Og þeir sem hafa upplifað atvinnuleysi, eru ekki síst þakklátir þegar þeir fá loksins starf. En hvað ef okkur líður þannig að við erum svo óánægð í nýju vinnunni? 

Að vera nýbúin að ráða sig til vinnu og átta sig á því að við erum mjög óánægð í nýju vinnunni er erfið tilfinning að glíma við. Margir fá jafnvel samviskubit yfir því að vera ekki ánægð.

Ekki síst á tímum Covid.

En tilfinningarnar okkar geta verið svo allt aðrar en skynsemi. 

Spurningin er þá þessi: 

Hvað ætlum við að gera í stöðunni? Því varla gagnast það okkur að halda bara áfram að vera óánægð alla daga?

Í umfjöllun Harvard Business Review er á það bent að mikilvægast fyrir okkur er að vera raunhæf. 

Ekki aðeins með tilliti til þess hver staðan er á vinnumarkaði almennt, heldur þurfum við einnig að minna okkur á að ekkert starf er til sem er 100% einungis frábært.

Gott fyrsta skref er að spyrja okkur sjálf:

Hvað í þessu starfi er að gagnast mér mest og best?

Svarið gæti verið:

  • Ég fæ laun
  • Framfærsluöryggið er gott fyrir fjölskylduna mína, maka, börn og heimili
  • Á ferilskránni minni sést að ég var ekki atvinnulaus nema í XXX tíma
  • Á launum get ég lifað áfram þeim lífstíl sem ég helst kýs, til dæmis notið áhugamála minna
  • Ég kynnist nýju fólki
  • Mér líður betur með vinnu en án vinnu og í óöryggi
  • Ég kann það sem ég var ráðin til að gera og get nýtt styrkleika mína
  • Ég get þjálfað mig í að verða betri í einhverju

Að beina huganum að því sem jákvætt er og að þakklæti, hjálpar okkur að byggja upp ánægju og vellíðan.

En hvað ef hugurinn er fastur í því að þetta sé aðeins tímabundið starf? 

Fyrir vikið bíðum við og bíðum eftir því að geta hætt í starfinu sem fyrst og ráðið okkur í betra starf?

Að sögn sérfræðinga er þetta viðhorf sem fólk ætti að forðast. Því þótt ráðningin sé tímabundin gerir það okkur ekki gagn að hugsa of mikið um það. 

Þvert á móti gerir það okkur gagn að leggja okkur fram í starfið og hugsa það í rauninni til langstímalitið, óháð því hvernig málin þróast. Að þjálfa hugann í þessa átt hjálpar okkur til að líða betur og við nýtumst vinnuveitandanum betur sem starfsmaður.

En hvað ef það er eitthvað í nýju vinnunni sem þú ert hreinlega ekki að halda út? Segjum til dæmis sá parturinn sem snýr að sölumennskunni?

Ef starfið er þannig að það er eitthvað eitt ákveðið verkefni eða hluti af starfinu sem þú átt erfitt með, er gott að velta því fyrir sér hvort tilefni sé til að ræða þann partinn við yfirmann þinn.

Að minnsta kosti gagnast það þér ekkert að vera í sífelldu samtali við sjálfan þig í huganum, um hversu erfitt þér finnst þessi verkefnahluti vera.

Að ræða við yfirmanninn þýðir ekkert endilega að þú ræðir þig í gegnum það að mega þá sleppa þessum hluta starfsins, til dæmis sölumennskunni. En kannski getur yfirmaðurinn þinn leiðbeint þér eða komið því betur í farveg, að þú fáir aðstoð, þjálfun eða góð ráð sem gerir þér auðveldara með að ráða við tiltekið verkefni.

Loks máttu spyrja sjálfan þig: Hvernig er skynsamlegast fyrir þig að nýta þennan tíma með framtíðar atvinnumöguleika í huga?

Ein leiðin er til dæmis að skoða hvort það séu einhver sniðug námskeið sem hægt er að taka samhliða vinnu, sem færa okkur nýja þekkingu og skapa mögulega fyrr tækifæri fyrir frekari starfsþróun eða breytingar.


Tengdar fréttir

Fjórða bylgjan og óttinn við að missa vinnuna

Nú þegar fjórða bylgjan er hafin er ekki laust við að gamalkunnur Covid-hnútur geri vart við sig hjá sumum: Mun ég missa starfið mitt? Hvernig mun vinnustaðnum mínum reiða af? Verður mér sagt upp um næstu mánaðamót? Eða í haust eða vetur?

Í vinnu eða atvinnuleit: Ekki birta of mikið á samfélagsmiðlum

Við erum sjaldan jafn dugleg að birta myndir á samfélagsmiðlunum og þegar að við erum í sumarfríi. Enda skemmtilegt að sjá hvert fólk er að ferðast og hvað það er að gera. En það eru margar ástæður fyrir því að fólk ætti að forðast að birta of mikið af myndum, of oft eða hvaða myndir sem er.

Rakst á auglýsingu á Facebook sem breytti öllu

„Það erfiðasta við að vera atvinnulaus og vilja virkilega fara aftur út á atvinnumarkaðinn er að fá endalaust neitanir. Síðan fylgir oft svörunum að svo svakalega margir, eða þrjú hundruð manns, hafi verið að sækja um sömu stöðu og ég,“ segir Thelma Sjöfn Hannesdóttir, rafvirki og þriggja barna móðir á Akranesi sem nú er að læra kerfisstjórn.

Stakk upp á nýju starfi fyrir sjálfa sig og endaði sem framkvæmdastjóri

„Ég myndi án efa hvetja fólk til þess að bera sig eftir því sem það vill, að hugsa aðeins hvað það virkilega langar að vinna við og yrði frábært í og hreinlega taka stöðuna. Það er þá ekkert verra en „Nei“ sem kemur, sem gæti svo alveg breyst í „Já“ síðar eins og það gerði hjá mér,“ segir Klara Símonardóttir aðspurð um það hvaða ráð hún myndi gefa fólki í atvinnuleit. Klara er í dag framkvæmdastjóri Petmark. Árið 2016 hafði hún samband við það fyrirtæki og stakk upp á því að hún yrði ráðin sem vörumerkjastjóri. Starfið var ekki til hjá fyrirtækinu og þaðan af síður hafði það verið auglýst. En í kjölfar þess að Klara hafði samband, var starfið búið til og hún ráðin.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×