Árásir á Gyðinga færast í aukana Finnur Thorlacius Eiríksson skrifar 22. júlí 2021 14:01 Eftir nýliðna átakahrinu á milli Ísraelsríkis og Hamassamtakanna ríkir nú brothættur friður fyrir botni Miðjarðarhafs. Atburðarásin var fyrirsjáanleg hvort sem litið er á átökin sjálf eða viðbrögð alþjóðasamfélagsins. Vestrænir fjölmiðlar kepptust sem fyrr við að mála sem versta mynd af Ísrael samhliða því að breiða yfir hryðjuverkastarfsemi Hamassamtakanna og annarra palestínskra hópa. Óvönduð fjölmiðlaumfjöllun um átökin hefur haft neikvæðar afleiðingar víða um heim. Til eru einstaklingar sem eru þeirrar skoðunar að Gyðingar ættu að hafa sig burt frá Ísraelsríki. Áhangendur þessarar hugmyndar er að finna víða um Vesturlönd. Maður myndi ætla að þetta fólk myndi í það minnsta reyna að sanna fyrir Gyðingum að þeir geti átt sér gott og öruggt líf á Vesturlöndum. Þvert á móti færast ofsóknir gegn Gyðingum alltaf í aukana þegar fjölmiðlar auka neikvæða umfjöllun sína um Ísrael. Þeir sem eiga upptökin að þessum ofsóknum virðast einmitt vera þeir sem vilja Gyðinga burt frá Ísrael. Það er augljóst að frá þeirra bæjardyrum séð eigi Gyðingar ekki að eiga sér samastað nokkurs staðar í heiminum. Undanfarna tvo mánuði voru árásir og hótanir í garð Gyðinga fleiri og alvarlegri en þær hafa verið í marga áratugi. Í lok maí mældist 500% aukning árása á Gyðinga í Bretlandi. Meðlimum Gyðingasamfélagsins þar bárust einnig morðhótanir og nauðgunarhótanir. Í nýrri öldu hatursorðræðu og árása gegn Gyðingum í Bandaríkjunum var rabbíni stunginn fyrir utan sýnagógu í Boston. Samtímis á meginlandi Evrópu hefur árásum á Gyðinga fjölgað ásamt aukinni opinberri tjáningu Gyðingahaturs, meðal annars á útifundum stuðningsmanna Palestínu. Vestræn yfirvöld hafa lítið sem ekkert aðhafst til að sporna við þessari þróun. Andstæðingar Ísraels hafa sýnt fram á að um þessar mundir eigi Gyðingar sér ekki öruggt athvarf á Vesturlöndum. Þessi ofsóknaralda er næg ástæða til að réttlæta tilvist Ísraelsríkis sem sérstaks athvarfs fyrir Gyðinga. Lífið í Ísrael er ekki án áhættu en engu að síður kjósa sífellt fleiri Gyðingar að flytja þangað. Þar er að minnsta kosti öruggt að yfirvöld geri það sem þau geta til að vernda Gyðinga gagnvart aðsteðjandi ógn ólíkt Vestrænum ríkjum. Takist öfgahópum að fæla Gyðinga frá Vesturlöndum mun það skaða menningarlega fjölbreytni og trúverðugleika Vesturlanda á alþjóðlegum vettvangi. Sama hvað gengur á fyrir botni Miðjarðarhafs eiga árásir og hatursorðræða gegn Gyðingum aldrei að viðgangast. Höfundur skrifar fyrir hönd MIFF (Með Ísrael fyrir friði) á Íslandi. Viltu birta grein á Vísi? Sendu okkur póst. Senda grein Finnur Thorlacius Eiríksson Tengdar fréttir Hremmingar friðarsinna á Gazasvæðinu Fyrir tæpu ári skrifaði ég grein um Rami Aman, 39 ára friðarsinna frá Gazasvæðinu. Hamas-samtökin höfðu fært hann í fangelsi fyrir þann glæp að skipuleggja Zoom-fund með ísraelskum friðarsinnum. 6. apríl 2021 10:30 Palestínsk yfirvöld í slæmum félagsskap Í síðustu viku greindi Reuters-fréttaveitan frá birtingu tillögu að stofnun fyrirhugaðra alþjóðasamtaka. Sextán aðildarríki Sameinuðu þjóðanna ásamt ríkisstjórn Palestínu koma að tillögunni. Þeirra á meðal eru Íran, Kína, Norður-Kórea, Rússland, Sýrland og Venesúela. 18. mars 2021 07:31 Ímyndum okkur að ég starfi á hönnunarstofu Stofan er ein sú virtasta á landinu og hjá henni starfa um 100 hönnuðir. Viðskiptavinir stofunnar eru af öllum þjóðfélagsgerðum og -stigum og biðja um allskonar hönnun, allt frá hnífapörum og skóreimum til klósettseta og hringstiga. 1. mars 2021 17:30 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Bakslag í streymi Silja Snædal Drífudóttir Skoðun Hver er pælingin? Ásgeir Brynjar Torfason Skoðun Tímaskekkja á 21. öldinni Valerio Gargiulo Skoðun Hvar er eldhúsglugginn? Elsa Ævarsdóttir Skoðun Sögufölsun eytt í kyrrþey Hjörtur Hjartarson Skoðun Satt og logið Bryndís Schram Skoðun Óbærileg léttúð VG Jakob Frímann Magnússon Skoðun Halldór 27.04.2024 Halldór Spurðu fólkið Halla Tómasdóttir Skoðun Vopn, sprengjur og annað eins Árný Björg Blandon Skoðun Skoðun Skoðun Spurðu fólkið Halla Tómasdóttir skrifar Skoðun Vopn, sprengjur og annað eins Árný Björg Blandon skrifar Skoðun Hvar er eldhúsglugginn? Elsa Ævarsdóttir skrifar Skoðun Bakslag í streymi Silja Snædal Drífudóttir skrifar Skoðun Tímaskekkja á 21. öldinni Valerio Gargiulo skrifar Skoðun Hver er pælingin? Ásgeir Brynjar Torfason skrifar Skoðun Í átt að velsæld á nokkrum mínútum Olga Björt Þórðardóttir skrifar Skoðun Er fyrirmyndarríkið Ísland í ruslflokki í sorpmálum? Sigurður Páll Jónsson skrifar Skoðun Takk fyrir vettlingana! Hópur foreldra leikskólabarna í Reykjavík skrifar Skoðun Hvað varð um samveruna? Hildur Gunnarsdóttir skrifar Skoðun Listir og velferð Kristín Valsdóttir skrifar Skoðun Er forsetaframbjóðendum umhugað um dýravernd? Árni Stefán Árnason skrifar Skoðun Þegar þú vilt miklu meira bákn Hjörtur J. Guðmundsson skrifar Skoðun Óbærileg léttúð VG Jakob Frímann Magnússon skrifar Skoðun Að hafa áhrif á nærumhverfi sitt Guðbrandur Einarsson skrifar Skoðun Framtíð innri markaðarins Gunnar Bragi Sveinsson skrifar Skoðun Satt og logið Bryndís Schram skrifar Skoðun Alþjóðlegi leiðsöguhundadagurinn Sigþór U. Hallfreðsson skrifar Skoðun Framsókn leggst ekki í duftið Guðmundur Birkir Þorkelsson skrifar Skoðun Að dreyma um alheim góðvildar Valerio Gargiulo skrifar Skoðun Að bjarga sex lífum á mínútu í hálfa öld Birna Þórarinsdóttir skrifar Skoðun Þegar þú ert báknið Gabríel Ingimarsson skrifar Skoðun Svik við þjóðina Alfreð Sturla Böðvarsson skrifar Skoðun Innivist er mikilvægasti þátturinn við hönnun íbúða! Ásta Logadóttir skrifar Skoðun Brautryðjandinn Baldur Þóra Björk Smith skrifar Skoðun Katrín og Gunnar? Hjörtur J. Guðmundsson skrifar Skoðun Ótímabundin leyfi, ótímabundið náttúruníð Elvar Örn Friðriksson skrifar Skoðun Er soja að eyðileggja íslenska karlmennsku? Dögg Guðmundsdóttir,Guðrún Nanna Egilsdóttir skrifar Skoðun Er stóraukin lýðræðisþátttaka ekki verðlaunaefni? Einar Freyr Elínarson skrifar Skoðun Árangur gegn verðbólgu Þórdís Kolbrún R. Gylfadóttir skrifar Sjá meira
Eftir nýliðna átakahrinu á milli Ísraelsríkis og Hamassamtakanna ríkir nú brothættur friður fyrir botni Miðjarðarhafs. Atburðarásin var fyrirsjáanleg hvort sem litið er á átökin sjálf eða viðbrögð alþjóðasamfélagsins. Vestrænir fjölmiðlar kepptust sem fyrr við að mála sem versta mynd af Ísrael samhliða því að breiða yfir hryðjuverkastarfsemi Hamassamtakanna og annarra palestínskra hópa. Óvönduð fjölmiðlaumfjöllun um átökin hefur haft neikvæðar afleiðingar víða um heim. Til eru einstaklingar sem eru þeirrar skoðunar að Gyðingar ættu að hafa sig burt frá Ísraelsríki. Áhangendur þessarar hugmyndar er að finna víða um Vesturlönd. Maður myndi ætla að þetta fólk myndi í það minnsta reyna að sanna fyrir Gyðingum að þeir geti átt sér gott og öruggt líf á Vesturlöndum. Þvert á móti færast ofsóknir gegn Gyðingum alltaf í aukana þegar fjölmiðlar auka neikvæða umfjöllun sína um Ísrael. Þeir sem eiga upptökin að þessum ofsóknum virðast einmitt vera þeir sem vilja Gyðinga burt frá Ísrael. Það er augljóst að frá þeirra bæjardyrum séð eigi Gyðingar ekki að eiga sér samastað nokkurs staðar í heiminum. Undanfarna tvo mánuði voru árásir og hótanir í garð Gyðinga fleiri og alvarlegri en þær hafa verið í marga áratugi. Í lok maí mældist 500% aukning árása á Gyðinga í Bretlandi. Meðlimum Gyðingasamfélagsins þar bárust einnig morðhótanir og nauðgunarhótanir. Í nýrri öldu hatursorðræðu og árása gegn Gyðingum í Bandaríkjunum var rabbíni stunginn fyrir utan sýnagógu í Boston. Samtímis á meginlandi Evrópu hefur árásum á Gyðinga fjölgað ásamt aukinni opinberri tjáningu Gyðingahaturs, meðal annars á útifundum stuðningsmanna Palestínu. Vestræn yfirvöld hafa lítið sem ekkert aðhafst til að sporna við þessari þróun. Andstæðingar Ísraels hafa sýnt fram á að um þessar mundir eigi Gyðingar sér ekki öruggt athvarf á Vesturlöndum. Þessi ofsóknaralda er næg ástæða til að réttlæta tilvist Ísraelsríkis sem sérstaks athvarfs fyrir Gyðinga. Lífið í Ísrael er ekki án áhættu en engu að síður kjósa sífellt fleiri Gyðingar að flytja þangað. Þar er að minnsta kosti öruggt að yfirvöld geri það sem þau geta til að vernda Gyðinga gagnvart aðsteðjandi ógn ólíkt Vestrænum ríkjum. Takist öfgahópum að fæla Gyðinga frá Vesturlöndum mun það skaða menningarlega fjölbreytni og trúverðugleika Vesturlanda á alþjóðlegum vettvangi. Sama hvað gengur á fyrir botni Miðjarðarhafs eiga árásir og hatursorðræða gegn Gyðingum aldrei að viðgangast. Höfundur skrifar fyrir hönd MIFF (Með Ísrael fyrir friði) á Íslandi.
Hremmingar friðarsinna á Gazasvæðinu Fyrir tæpu ári skrifaði ég grein um Rami Aman, 39 ára friðarsinna frá Gazasvæðinu. Hamas-samtökin höfðu fært hann í fangelsi fyrir þann glæp að skipuleggja Zoom-fund með ísraelskum friðarsinnum. 6. apríl 2021 10:30
Palestínsk yfirvöld í slæmum félagsskap Í síðustu viku greindi Reuters-fréttaveitan frá birtingu tillögu að stofnun fyrirhugaðra alþjóðasamtaka. Sextán aðildarríki Sameinuðu þjóðanna ásamt ríkisstjórn Palestínu koma að tillögunni. Þeirra á meðal eru Íran, Kína, Norður-Kórea, Rússland, Sýrland og Venesúela. 18. mars 2021 07:31
Ímyndum okkur að ég starfi á hönnunarstofu Stofan er ein sú virtasta á landinu og hjá henni starfa um 100 hönnuðir. Viðskiptavinir stofunnar eru af öllum þjóðfélagsgerðum og -stigum og biðja um allskonar hönnun, allt frá hnífapörum og skóreimum til klósettseta og hringstiga. 1. mars 2021 17:30
Skoðun Er soja að eyðileggja íslenska karlmennsku? Dögg Guðmundsdóttir,Guðrún Nanna Egilsdóttir skrifar