Innlent

78 greindust innanlands í gær

Eiður Þór Árnason skrifar
Mikið álag hefur verið á starfsfólki heilsugæslunnar síðustu daga þar sem sífellt fleiri sýni hafa verið tekin.
Mikið álag hefur verið á starfsfólki heilsugæslunnar síðustu daga þar sem sífellt fleiri sýni hafa verið tekin. Vísir/vilhelm

Í gær greindust 78 einstaklingar innanlands með Covid-19. Þar af voru 52 fullbólusettir og fimm hálfbólusettir. 59 voru utan sóttkvíar við greiningu.

Enginn greindist á landamærum. 723 eru nú í sóttkví og 287 í einangrun hér á landi. Nýgengi innanlandssmita hefur hækkað hratt síðustu daga og hefur farið úr 4,1 í 63,5 smit á rúmri viku.

3.242 innanlandssýni voru tekin í gær og hafa þau ekki verið fleiri frá því í apríl. Þetta kemur fram í uppfærðum tölum á upplýsingavefnum covid.is. 

Í gær var greint frá því að 56 hafi greinst innanlands á þriðjudag. Var það metdagur í fjölda smita á þessu ári.

Þórólfur Guðnason sóttvarnalæknir og Víðir Reynisson yfirlögregluþjónn fóru nánar yfir stöðu faraldursins á upplýsingafundi almannavarna og landlæknis í dag. 

Fréttin hefur verið uppfærð.

Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið