Íbúar á Grund sendir í skimun eftir að starfsmaður greindist með Covid-19

Eiður Þór Árnason skrifar 20. júlí 2021 14:50

Deild A2 er í austurhluta hússins og hafa nærliggjandi deildir einnig verið lokaðar af. Vísir/Vilhelm

Starfsmaður á hjúkrunarheimilinu Grund í Reykjavík greindist með Covid-19 í gær. Sá starfar á deild A2 og var síðast í vinnu á fimmtudag. Búið er að taka sýni úr íbúum á deildinni og starfsfólki á sömu vakt. Vonast er til að niðurstöður fáist úr skimuninni síðar í dag eða í fyrramálið.

Þetta staðfestir Sigríður Sigurðardóttir, sviðsstjóri á fræðslu- og gæðasviði, í samtali við Vísi en RÚV greindi fyrst frá smitinu. Lokað hefur verið fyrir heimsóknir á A1, A2 og A3 í austurhluta hjúkrunarheimilisins.

Starfsfólk er komið í svonefnda sóttkví C, fer ekki út fyrir sína deild og er gert að halda sig heima þegar það er ekki í vinnu. Sigríður segir að einnig verði aukið við þrif og sótthreinsun á hjúkrunarheimilinu í ljósi smitsins. 38 greindust með kórónuveiruna innanlands í gær.

Faraldur kórónuveiru (COVID-19) Eldri borgarar Reykjavík

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.