Sport

Dagskráin í dag - Víkingar geta nálgast toppinn

Arnar Geir Halldórsson skrifar
Heimsækir Keflavík.
Heimsækir Keflavík. Vísir/Bára Dröfn

Þrettándu umferð Pepsi Max deildar karla lýkur í kvöld með tveimur leikjum þar sem nýliðarnir, Keflavík og Leiknir, verða á heimavelli.

Keflvíkingar fá Víkinga í heimsókn og eiga Víkingar tækifæri á að færa sér óvænt tap forystusauðanna í Val gegn ÍA sér í nyt en með sigri geta Víkingar minnkað forystu Vals á toppi deildarinnar niður í eitt stig.

Leikurinn hefst klukkan 19:15 og verður sýndur beint á Stöð 2 Sport.

Á sama tíma fer fram leikur Leiknis og Stjörnunnar í Breiðholti og verður hægt að fylgjast með honum á stod2.is.

Pepsi Max stúkan verður á sínum stað fyrir og eftir leik þar sem 13.umferðin verður krufin til mergjar.

Pepsi Max deild karla er á Stöð 2 Sport en upplýsingar um útsendingar má finna hér. Pepsi Max deildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.

Mest lesið


Fleiri fréttir

Sjá meira


×

Mest lesið