Framlengja útgöngubann í Sydney

Atli Ísleifsson skrifar 7. júlí 2021 07:43

Áströlum hefur gengið almennt vel að hefta útbreiðslu veirunnar, en einungis hafa um 31 þúsund smit komið upp og þá hafa 910 dauðsföll verið rakin til Covid-19. AP

Yfirvöld í Nýju-Suður Wales í Ástralíu hafa ákveðið að framlengja útgöngubann í stórborginni Sydney um viku til viðbótar, eða til 16. júlí. Útgöngubanninu var komið á fyrir rúmum tveimur vikum í tilraun til að hefta útbreiðslu delta-afbrigðis kórónuveirunnar.

Gladys Berejiklian, forsætisráðherra Nýju-Suður Wales, segir að sú „erfiða ákvörðun“ að framlengja takmarkanir hafi verið tekin eftir að í ljós kom að hópsmit hafi komið upp þar sem sýktir einstaklingar hafi rofið sóttkví til að nálgast nauðsynjar.

Alls hafa um 330 tilfelli komið upp síðustu daga, sem er mesti fjöldinn í borginni á þessu ári.

Útgöngubannið nær til um fimm milljóna íbúa í Sydney og nágrannaborgum, en upphaflega stóð til að takmörkunum yrði aflétt á föstudag. Skólar verða jafnframt lokaðir í næstu viku.

Eingungis innan við tíu prósent fullorðinna Ástrala teljast nú fullbólusettir. Bóluefnaskortur, sér í lagi þegar kemur að bóluefni Pfizer, þýðir að margir Ástralir sjái ekki fram á að fá bólusetningu fyrr en í lok árs, að því er segir í frétt BBC.

Áströlum hefur gengið almennt vel að hefta útbreiðslu veirunnar, en einungis hafa um 31 þúsund smit komið upp og þá hafa 910 dauðsföll verið rakin til Covid-19.

Faraldur kórónuveiru (COVID-19) Ástralía

Tengdar fréttir

Boða til neyðarfundar til að ræða útbreiðslu Delta-afbrigðisins

Yfirvöld í Ástralíu hittast á neyðarfundi í dag til að ræða aukna útbreiðslu kórónuveirusmita í landinu en undanfarið hefur Delta-afbrigðið svokallaða verið að sækja verulega í sig veðrið.

28. júní 2021 08:07

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.