Tveggja og hálfs árs fangelsi fyrir líkamsárásir, fíkniefnalagabrot og ofbeldi gegn maka Hallgerður Kolbrún E. Jónsdóttir skrifar 6. júlí 2021 13:00 Maðurinn var dæmdur í tveggja og hálfs árs fangelsi, hann sviptur ökuréttindum í fjögur ár og honum gert að greiða þolendum miskabætur. Vísir/Vilhelm Karlmaður var í gær dæmdur í tveggja og hálfs árs fangelsi í Héraðsdómi Reykjavíkur fyrir ítrekaðar líkamsárásir, ítrekuð fíkniefnalagabrot og brot í nánu sambandi gegn þáverandi eiginkonu sinni. Maðurinn var ákærður í sjö liðum í málinu og sakfelldur fyrir flest þau brot sem hann var ákærður fyrir. Maðurinn var sakfelldur fyrir að hafa sunnudaginn 1. apríl 2018 veist að manneskju í lyftu á heimili sínu með þeim afleiðingum að hún hlaut fjölda andlits- og beináverka, brot á fjölda andlitsbeina, blæðingu í kinnholur auk rifbrots. Þetta kemur fram í dómi héraðsdóms. Þá var hann sakfelldur fyrir að hafa þann 21. júní 2020 veist að manni á veitingastaðnum Devitos Pizza í miðbæ Reykjavíkur. Maðurinn notaði stól til að slá til mannsins, sem bar fyrir sig annan stól til að verjast árásinni. Brotaþolanum tókst að forða sér af staðnum og hélt í útidyrahurðina svo árásarmaðurinn kæmist ekki út á eftir honum. Árásarmaðurinn reyndi ítrekað að komast út, með því að toga í hurðarhúninn og kasta í hann vatnskönnum með þeim afleiðingum að læsing og handfang hurðarinnar skemmdust, og rak ákærði enni sitt í annan mann og slegið hann með krepptum hnefa í höfuðið, þegar hann reyndi að ná til mannsins sem hafði flúið út. Ók ítrekað undir áhrifum fíkniefna Maðurinn var einnig sakfelldur fyrir umferðar- og fíkniefnalagabrot með því að hafa í júlí 2020 ekið bíl undir áhrifum fíkniefna og lyfja, það er amfetamíns, tetrahýdrókannabínóls, alprazólams, díazepams, klónazepams og nordíazepams. Þá fundust jafnframt 0,84 grömm af amfetamíni í buxum hans. Játaði hann að hafa framið öll ofangreind brot. Maðurinn var jafnframt sakfelldur fyrir að hafa aðfaranótt laugardagsins 13. júní 2020 haft í vörslum sínum 26,55 grömm af amfetamíni sem fundust í frystihólfi ísskáps á heimili hans. Hann var þá sakfelldur fyrir að hafa í júlí 2020 veist að konu í Reykjavík og ýtt henni með þeim afleiðingum að hún féll í jörðina. Í framhaldinu sparkaði maðurinn í fótlegg hennar og sló hana í andlitið með þeim afleiðingum að hún hlaut mar og bólgur í hægri fótlegg og roða yfir hægra kinnbeini. Maðurinn neitaði sök í þessum ákæruliðum. Hann var sakfelldur fyrir að hafa aftur keyrt bíl undir áhrifum lyfja og fíkniefna og var hann óhæfur til að stjórna honum. Lyfin sem mældust í blóði hans voru amfetamín, tetrahýdrókannabínól, alprazólam, díazepam, klónazepam, nordíazepam og oxýkódon. Maðurinn hafði jafnframt í vörslum sínum 32,88 grömm af amfetamíni sem fundust í farangursrými bílsins. Neitaði hann sök í þessum ákærulið. Lagðist inn á sjúkrahús í fimm daga eftir árásina Sjöunda ákæruliði var skipt í fjóra liði og var hann sakfelldur í tveimur þeirra. Hann var sakfelldur fyrir að hafa dagana 27. og 28. maí 2020 veist að þáverandi eiginkonu sinni með því að reka hné sitt í vinstri síðu hennar með þeim afleiðingum að hún hlaut áverkaloftbrjóst, mar í vinstra lunga og rifbeinsbrot á rifjum þrjú til sex á vinstri síðu og þurfti konan að leggjast inn á hjarta- og lungnaskurðdeild Landspítalans í fimm daga vegna áverkana. Þá var hann sakfelldur fyrir að hafa frá sunnudagskvöldi 17. janúar 2021 til morgunsins eftir hótað þáverandi konu sinni líkamsmeiðingum, beitt hana ofbeldi með því að slá hana ítrekað víðsvegar um líkamann og í höfuðið með krepptum hnefa, stungið hana í nokkur skipti með eldhúshníf í báða upphandleggi og lamið hana með járnkylfu í líkamanna og höfuðið. Konan hlaut mar á brjósti, opið sár á hársverði, opið sár á brjóstkassa, nefbeinabrot, marga yfirborðsáverka á höfði, marga yfirborðsáverka á mjöðm og læri og marga yfirborðsáverka á framhandlegg. Hann var hins vegar sýknaður af ákæru um að hafa hótað konunni ítrekað líkamsmeiðingum, móðgað hana og smánað með ógnandi framferði og niðrandi athugasemdum í hennar garð og að hafa svipta hana frelsi sínu með því að halda henni nauðugri á heimili þeirra frá 17. janúar 2021 til 21. janúar. Auk þess að vera dæmdur í fangelsi var maðurinn sviptur ökurétti í fjögur ár. Þá er honum gert að greiða manninum sem hann veittist að í lyftunni 600 þúsund krónur í miskabætur og greiða konunni sem hann veittist að með því að hafa ýtt henni í jörðina og sparkað í hana 250 þúsund krónur í miskabætur. Honum er jafnframt gert að greiða fyrrverandi eiginkonu sinni 800 þúsund krónur í miskabætur. Dómsmál Mest lesið Endalaus þrautaganga Haraldar eftir svörum Innlent „Afleitt“ að sjá Yazan gerðan að leiksoppi í deilum ráðherra Innlent Höfuðstöðvar nýrrar ríkisstofnunar verða á Hvolsvelli Innlent Vitorðsmaður viðurkennir að hafa gert það sama og Pelicot Erlent Blöskrar markaðssetning á réttum: „Þetta eru eins og jólin fyrir okkur“ Innlent Flugvélarnar sem gerðu Loftleiðir að stórveldi Innlent „Engar líkur á öðru en að þau endi á að fá alþjóðlega vernd“ Innlent Fólk hafi samband við lögreglu í stað þess að deila sögum á netinu Innlent „Þetta er bara rétt að byrja“ Innlent Lögregla komin með ágæta mynd af atburðum Innlent Fleiri fréttir Endalaus þrautaganga Haraldar eftir svörum Höfuðstöðvar nýrrar ríkisstofnunar verða á Hvolsvelli „Afleitt“ að sjá Yazan gerðan að leiksoppi í deilum ráðherra Flugvélarnar sem gerðu Loftleiðir að stórveldi „Engar líkur á öðru en að þau endi á að fá alþjóðlega vernd“ Sjálfstæðismenn í borginni vilja samræmd próf aftur Yazan fær efnismeðferð og talstöðvar sprengdar Ekki séð ástæðu til að leggjast gegn framgangi samgöngusáttmálans „Vottunin verið kölluð láglaunavottun af gárungunum“ Yazan ekki fluttur úr landi og fær efnismeðferð Fólk hafi samband við lögreglu í stað þess að deila sögum á netinu Segja ummæli Quang Le tilhæfulaus og ósönn Grænt ljós á Ekkó en ekki Baldr Sjúklingurinn þurfi að vera með í allri ákvörðunartöku Skipuð forstjóri Náttúrufræðistofnunar Tileinkuðu söng við heilbrigðisráðuneytið Yazan Eigin sannfæring útskýri sögulegan klofning Sjálfstæðismanna Lykilatriði að ræða við börnin og halda sig við staðreyndir Telur íslenska stjórnsýslu hafa brotið lög í máli Yazan Lögregla komin með ágæta mynd af atburðum Hafa auglýst stöðu sveitarstjóra lausa til umsóknar Lögmaður Yazans sakar yfirvöld um lögbrot „Þetta er bara rétt að byrja“ Um sjö milljónir söfnuðust í minningarsjóð með kertasölu Arnar með stöðu sakbornings og boðaður í skýrslutöku Forstjóri nýrrar Umhverfis- og orkustofnunar úr stóriðjunni Ráðist í aðgerðir gegn samskiptaþjónustu sem glæpamenn notuðu Blöskrar markaðssetning á réttum: „Þetta eru eins og jólin fyrir okkur“ Íslendingum ekki boðið á sjónvarpsumræðu um öryggi á Norðurlöndum „Reglur samfélagsins mega ekki vera ómanneskjulegar“ Sjá meira
Maðurinn var sakfelldur fyrir að hafa sunnudaginn 1. apríl 2018 veist að manneskju í lyftu á heimili sínu með þeim afleiðingum að hún hlaut fjölda andlits- og beináverka, brot á fjölda andlitsbeina, blæðingu í kinnholur auk rifbrots. Þetta kemur fram í dómi héraðsdóms. Þá var hann sakfelldur fyrir að hafa þann 21. júní 2020 veist að manni á veitingastaðnum Devitos Pizza í miðbæ Reykjavíkur. Maðurinn notaði stól til að slá til mannsins, sem bar fyrir sig annan stól til að verjast árásinni. Brotaþolanum tókst að forða sér af staðnum og hélt í útidyrahurðina svo árásarmaðurinn kæmist ekki út á eftir honum. Árásarmaðurinn reyndi ítrekað að komast út, með því að toga í hurðarhúninn og kasta í hann vatnskönnum með þeim afleiðingum að læsing og handfang hurðarinnar skemmdust, og rak ákærði enni sitt í annan mann og slegið hann með krepptum hnefa í höfuðið, þegar hann reyndi að ná til mannsins sem hafði flúið út. Ók ítrekað undir áhrifum fíkniefna Maðurinn var einnig sakfelldur fyrir umferðar- og fíkniefnalagabrot með því að hafa í júlí 2020 ekið bíl undir áhrifum fíkniefna og lyfja, það er amfetamíns, tetrahýdrókannabínóls, alprazólams, díazepams, klónazepams og nordíazepams. Þá fundust jafnframt 0,84 grömm af amfetamíni í buxum hans. Játaði hann að hafa framið öll ofangreind brot. Maðurinn var jafnframt sakfelldur fyrir að hafa aðfaranótt laugardagsins 13. júní 2020 haft í vörslum sínum 26,55 grömm af amfetamíni sem fundust í frystihólfi ísskáps á heimili hans. Hann var þá sakfelldur fyrir að hafa í júlí 2020 veist að konu í Reykjavík og ýtt henni með þeim afleiðingum að hún féll í jörðina. Í framhaldinu sparkaði maðurinn í fótlegg hennar og sló hana í andlitið með þeim afleiðingum að hún hlaut mar og bólgur í hægri fótlegg og roða yfir hægra kinnbeini. Maðurinn neitaði sök í þessum ákæruliðum. Hann var sakfelldur fyrir að hafa aftur keyrt bíl undir áhrifum lyfja og fíkniefna og var hann óhæfur til að stjórna honum. Lyfin sem mældust í blóði hans voru amfetamín, tetrahýdrókannabínól, alprazólam, díazepam, klónazepam, nordíazepam og oxýkódon. Maðurinn hafði jafnframt í vörslum sínum 32,88 grömm af amfetamíni sem fundust í farangursrými bílsins. Neitaði hann sök í þessum ákærulið. Lagðist inn á sjúkrahús í fimm daga eftir árásina Sjöunda ákæruliði var skipt í fjóra liði og var hann sakfelldur í tveimur þeirra. Hann var sakfelldur fyrir að hafa dagana 27. og 28. maí 2020 veist að þáverandi eiginkonu sinni með því að reka hné sitt í vinstri síðu hennar með þeim afleiðingum að hún hlaut áverkaloftbrjóst, mar í vinstra lunga og rifbeinsbrot á rifjum þrjú til sex á vinstri síðu og þurfti konan að leggjast inn á hjarta- og lungnaskurðdeild Landspítalans í fimm daga vegna áverkana. Þá var hann sakfelldur fyrir að hafa frá sunnudagskvöldi 17. janúar 2021 til morgunsins eftir hótað þáverandi konu sinni líkamsmeiðingum, beitt hana ofbeldi með því að slá hana ítrekað víðsvegar um líkamann og í höfuðið með krepptum hnefa, stungið hana í nokkur skipti með eldhúshníf í báða upphandleggi og lamið hana með járnkylfu í líkamanna og höfuðið. Konan hlaut mar á brjósti, opið sár á hársverði, opið sár á brjóstkassa, nefbeinabrot, marga yfirborðsáverka á höfði, marga yfirborðsáverka á mjöðm og læri og marga yfirborðsáverka á framhandlegg. Hann var hins vegar sýknaður af ákæru um að hafa hótað konunni ítrekað líkamsmeiðingum, móðgað hana og smánað með ógnandi framferði og niðrandi athugasemdum í hennar garð og að hafa svipta hana frelsi sínu með því að halda henni nauðugri á heimili þeirra frá 17. janúar 2021 til 21. janúar. Auk þess að vera dæmdur í fangelsi var maðurinn sviptur ökurétti í fjögur ár. Þá er honum gert að greiða manninum sem hann veittist að í lyftunni 600 þúsund krónur í miskabætur og greiða konunni sem hann veittist að með því að hafa ýtt henni í jörðina og sparkað í hana 250 þúsund krónur í miskabætur. Honum er jafnframt gert að greiða fyrrverandi eiginkonu sinni 800 þúsund krónur í miskabætur.
Dómsmál Mest lesið Endalaus þrautaganga Haraldar eftir svörum Innlent „Afleitt“ að sjá Yazan gerðan að leiksoppi í deilum ráðherra Innlent Höfuðstöðvar nýrrar ríkisstofnunar verða á Hvolsvelli Innlent Vitorðsmaður viðurkennir að hafa gert það sama og Pelicot Erlent Blöskrar markaðssetning á réttum: „Þetta eru eins og jólin fyrir okkur“ Innlent Flugvélarnar sem gerðu Loftleiðir að stórveldi Innlent „Engar líkur á öðru en að þau endi á að fá alþjóðlega vernd“ Innlent Fólk hafi samband við lögreglu í stað þess að deila sögum á netinu Innlent „Þetta er bara rétt að byrja“ Innlent Lögregla komin með ágæta mynd af atburðum Innlent Fleiri fréttir Endalaus þrautaganga Haraldar eftir svörum Höfuðstöðvar nýrrar ríkisstofnunar verða á Hvolsvelli „Afleitt“ að sjá Yazan gerðan að leiksoppi í deilum ráðherra Flugvélarnar sem gerðu Loftleiðir að stórveldi „Engar líkur á öðru en að þau endi á að fá alþjóðlega vernd“ Sjálfstæðismenn í borginni vilja samræmd próf aftur Yazan fær efnismeðferð og talstöðvar sprengdar Ekki séð ástæðu til að leggjast gegn framgangi samgöngusáttmálans „Vottunin verið kölluð láglaunavottun af gárungunum“ Yazan ekki fluttur úr landi og fær efnismeðferð Fólk hafi samband við lögreglu í stað þess að deila sögum á netinu Segja ummæli Quang Le tilhæfulaus og ósönn Grænt ljós á Ekkó en ekki Baldr Sjúklingurinn þurfi að vera með í allri ákvörðunartöku Skipuð forstjóri Náttúrufræðistofnunar Tileinkuðu söng við heilbrigðisráðuneytið Yazan Eigin sannfæring útskýri sögulegan klofning Sjálfstæðismanna Lykilatriði að ræða við börnin og halda sig við staðreyndir Telur íslenska stjórnsýslu hafa brotið lög í máli Yazan Lögregla komin með ágæta mynd af atburðum Hafa auglýst stöðu sveitarstjóra lausa til umsóknar Lögmaður Yazans sakar yfirvöld um lögbrot „Þetta er bara rétt að byrja“ Um sjö milljónir söfnuðust í minningarsjóð með kertasölu Arnar með stöðu sakbornings og boðaður í skýrslutöku Forstjóri nýrrar Umhverfis- og orkustofnunar úr stóriðjunni Ráðist í aðgerðir gegn samskiptaþjónustu sem glæpamenn notuðu Blöskrar markaðssetning á réttum: „Þetta eru eins og jólin fyrir okkur“ Íslendingum ekki boðið á sjónvarpsumræðu um öryggi á Norðurlöndum „Reglur samfélagsins mega ekki vera ómanneskjulegar“ Sjá meira