Hættu sér upp á brúnina við straumharðan Goðafoss

Snorri Másson skrifar 4. júlí 2021 17:58

Ferðamaður stillir sér upp við fossbrúnina. Aðsend mynd

Þrír vaskir ferðamenn gerðu sér lítið fyrir í veðurblíðunni á Norðurlandi í dag og fóru á kajak að Goðafossi í Skjálfandafljóti. Slík sigling er augljóslega fyrir lengra komna, við einn vatnsmesta foss landsins.

Róðramennirnir voru að mati viðstaddra sem Vísir ræddi við vel búnir. Þeir réðu vel við verkefnið, sem fólst í að nálgast strauminn eins og hægt var. Þá stilltu þeir sér upp fyrir myndatöku á fossbrúninni.

Nokkur fjöldi fólks var viðstaddur og tjáðu áhorfendur ánægju sína með afrekið með lófataki þegar kapparnir komust upp á fossbrúnina. Að sögn viðstaddra var Skjálfandafljót óvenju straumhart í dag.

Ferðamennska á Íslandi Þingeyjarsveit

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.