Dagskráin í dag: Komast Englendingar aftur á Wembley?

Stöð 2 EM 2020

Danmörk og Tékkland mætast í fyrri leiknum í 8-liða úrslitunum á EM í dag. Upphitun fyrir leikinn hefst klukkan 15:20 og hefst hann sjálfur klukkan 16:00 í Baku í Aserbaídsjan. Leikurinn verður sýndur bæði á Stöð 2 EM og Stöð 2 Sport 2.

Síðari leikur dagsins er þá stórleikur Englands og Úkraínu í Rómarborg. Leikurinn er sá fyrsti sem Englendingar spila ekki á heimavelli sínum, Wembley, en með sigri komast þeir þangað aftur í undanúrslitin. Upphitun fyrir þann leik hefst klukkan 18:30 áður en liðin etja kappi klukkan 19:00.

Guðmundur Benediktsson og Helena Ólafsdóttir munu svo gera daginn upp í EM í dag klukkan 21:00 í kvöld.

Stöð 2 Sport

Sýnt verður frá Pepsi Max-deild karla á Stöð 2 Sport. Upphitun fyrir leik Sjörnunnar og Keflavíkur hefst klukkan 13:30 í dag áður en leikurinn sjálfur hefst klukkan 14:00

Á sama tíma verður leikur Breiðabliks og Leiknis frá Reykjavík sýndur á stod2.is. Báðir leikir verða svo gerðir upp í Pepsi Max-stúkunni klukkan 16:00 á Stöð 2 Sport.

Stöð 2 Sport 2

Leikur Danmerkur og Tékklands verður sýndur á rásinni samhliða sýningunni á Stöð 2 EM.

Klukkan 00:30 í nótt hefst þá bein útsending frá leik Atlanta Hawks og Milwaukee Bucks í úrslitum Austurdeildar í NBA-deildinni í körfubolta. Leikurinn fer fram á heimavelli þeirra fyrrnefndu en Milwaukee leiðir einvígið 3-2 og dugir því sigur til að tryggja sæti sitt í úrslitum gegn Phoenix Suns.

Stöð 2 Golf

Opna írska mótið í golfi, sem er hluti af Evrópumótaröðinni, hefst klukkan 12:00 í beinni útsendingu á Stöð 2 Golf.

Þá heldur Rocket Mortgage mótið, sem hluti er af PGA-mótaröðinni, áfram og hefst bein útsending frá því klukkan 17:00.

LPGA-mótaröðin er þá á sínum stað þar semVolunteers of America-mótið heldur áfram í dag og hefst bein útsending frá því á Stöð 2 Sport 4 klukkan 21:00 í kvöld.