Innlent

Mikill vatns­leki í kjallara Há­teigs­kirkju

Atli Ísleifsson skrifar
Vatn komst í fjölda kassa og annað í kjallaranum, meðal annars í nótur Léttsveitar Reykjavíkur og Karlakórs Reykjavíkur
Vatn komst í fjölda kassa og annað í kjallaranum, meðal annars í nótur Léttsveitar Reykjavíkur og Karlakórs Reykjavíkur Vísir/Sigurjón

Slökkvilið á höfuðborgarsvæðinu var kallað út í morgun vegna vatnsleka í kjallara Háteigskirkju.

Kristján Jón Eysteinsson, kirkjuhaldari í Háteigskirkju, segir að um mikið tjón sé að ræða. „Þetta er heilmikið. Það hefur líklega farið element [varmaskiptir] í blásarakerfinu, við erum með lofthitun. Við vitum ekki nákvæmlega hvort að það hafi verið rör eða elementið.“

Kirkjuhaldari segir líklegt að lekinn hafi komið upp í gærkvöldi eða í nótt.Vísir/SÁP

Hann segir að lekinn hafi uppgötvast í morgun og mögulega hafi byrjað að leka í gærkvöldi eða í nótt. „Þetta er í kjallaranum svo vatnið nær ekki upp í kirkjuna, kirkjuskipið. Þó er allt sveitt þarna uppi, gufa og hiti. Allir gluggar sveittir. Þetta er verulegt tjón.“

Kristján sagði í samtali við fréttastofu um klukkan 12:30 að slökkvilið væri þá nýfarið. 

„Það hefur vatn komist í fjölda kassa og annað í kjallaranum, meðal annars í nótur Léttsveitar Reykjavíkur og Karlakórs Reykjavíkur sem eru hér með heimilisfesti,“ segir Kristján Jón.

Vísir/Sigurjón
Vísir/Sigurjón
Vísir/Sigurjón
Vísir/Sigurjón
Vísir/Sigurjón


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.