BMW prófar vetnis-hlaðinn X5

Kristinn Ásgeir Gylfason skrifar 18. júní 2021 07:00

BMW hefur hafið prófanir á „næstum staðal útgáfu“ af X5 sem er knúinn áfram með rafmangi, unnu úr vetni. Hann verður prófaður í Evrópu í „raunverulegum aðstæðum“ en BMW ætlar að koma FCEV bíl á markað jafnvel á árinu 2025.

FCEV stendur fyrir Fuel Cell Electric Vehicle eða eldsneytis-hlaðinn rafbíl, í þeim skilningi að vetnið er notað sem eldsneyti og súrefni notað til að þvinga efnin til að mynda saman rafmagn í gegnum tvö efnahvörf. Það er því óþarfi að hlaða bílinn með rafmagni, heldur eingöngu setja vetni á hann á vetnisstöð sem er svo notað til að framleiða það rafmagn sem hann notar til að knýja sig áfram.

Tæknin er þróuð í samvinnu við Toyota og getur bíllinn varðveitt allt að sex kíló af vetni í einu á tveimur tönkum. í bílnum sem nú er verið að prófa skilar tæknin um 369 hestöflum. Það þýðir að „aksturseiginleikarnir sem einkenna framleiðandann skila sér,“ samkvæmt BMW.

„Tæknin er mjög athyglisverður kostur fyrir sjálfbæra aflgjafa, sérstaklega í stærri flokkum ökutækja. Þess vegna er það að gera prófanir á bíl sem er eins nærri raunveruleikanum og gerist með vetnisknúnum aflgjafa mikilvægur áfangi út frá rannsóknar og þróunar sjónarmiðum,“ sagði Frank Weber, stjórnarmaður BMW AG og ábyrgðarmaður verkefnisins.

Vistvænir bílar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.