Innlent

Engir upp­lýsinga­fundir næstu vikur og upp­færa Co­vid.is sjaldnar

Atli Ísleifsson skrifar
Víðir Reynisson, Þórólfur Guðnason og Alma Möller hafa verið reglulegir gestir á uppplýsingafundum almannavarna og landlæknis.
Víðir Reynisson, Þórólfur Guðnason og Alma Möller hafa verið reglulegir gestir á uppplýsingafundum almannavarna og landlæknis. Vísir/Vilhelm

Síðan covid.is verður framvegis uppfærð einungis á mánudögum og fimmtudögum og frá 1. júlí verður síðan einungis uppfærð á fimmtudögum. Þá verða ekki haldnir upplýsingafundir vegna kórónuveirunnar á næstu vikum nema þörf krefur.

Þetta kemur fram í tilkynningu frá almannavarnadeild ríkislögreglustjóra. Þar segir að ekki verði gefnar bráðabirgðatölur líkt og gert hefur verið um helgar þegar vefurinn hefur ekki verið uppfærður.

Ein undantekning verði þó á þessu nýja verklagi - ef COVID-19 smit greinist utan sóttkvíar þá verðu upplýsingar um slíkt sent fjölmiðlum.

„Þrátt fyrir þessar breytingar þá höldum við áfram að uppfæra bólusetningartölur á covid.is – þar er hægt að fylgjast með hve margir íbúar landsins eru bólusettir – þær tölur verða jákvæðari með hverjum deginum sem líður.

Áfram verður auðvitað hægt að ná í okkar fólk í viðtöl, en ekki verður haldinn upplýsingafundur á morgun eða næstu vikur, nema ef þörf verður á,“ segir í tilkynningunni frá almannavarnadeild ríkislögreglustjóra til fjölmiðla.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.