Lífið

Geislarnir sem valda ótímabærri öldrun hafa skaðleg áhrif á húðina

Sylvía Rut Sigfúsdóttir skrifar
Það skiptir miklu máli að muna að engin sólarvörn veitir hundrað prósent vörn.
Það skiptir miklu máli að muna að engin sólarvörn veitir hundrað prósent vörn. Getty/Tom Merton

Það er mælt með því að nota sólarvörn allan ársins hring en það er sérstaklega mikilvægr yfir sumartímann. Við fengum Heiði Ósk og Ingunni Sig hjá HI beauty til þess að taka saman nokkur góð röð um sólarvarnir.

Margir eru byrjaðir að tala um sólarvörn sem húðvörn, þar sem það er mælt með notkun hennar líka þá daga sem sólin er falin á bak við skýin. 

Af hverju notum við sólarvörn?

„Við notum sólarvörn til að vernda húðina frá skaðlegum geislum sólarinnar. Þeir geislar sem komast til jarðarinnar og við þurfum að verja húðina frá eru UVA og UVB geislar. 

UVB geislarnir eru þeir sem brenna húðina og geta valdið frumubreytingum í húðinni og myndað húðkrabbamein. UVB geislarnir komast ekki í gegnum rúður.

UVA geislarnir eru þeir geislar sem komast í gegnum gler og rúður og valda ósýnilegri skaða, af því að þeir brenna húðina ekki. Okkur var ekki kennt að verja húðina gegn þessum geislum en þeir valda ótímabærri öldrun og hafa einnig skaðleg áhrif á húðina.“

Það skiptir máli að vernda húðina fyrir geislum sólarinnar.Getty/Mykola Sosiukin

Hvenær á ég að nota sólarvörn?

„Mælt er með því að nota sólarvörn á andlitið daglega allan ársins hring. Athugið að klæðaburður skiptir hér máli og mikilvægt er einnig að vernda háls, bringu, handarbök og handleggi ef þeir eru ekki klæddir.

Mælt er með því að nota sólarvörnina á eftir dagkreminu, áður en farði er settur á.

Mikilvægt er að þrífa húðina vel á kvöldin eftir að sólarvarnarnotkun, þrátt fyrir að þið notið ekki farða, því hún getur haft stíflandi áhrif á húðina.

Ef þú ert utandyra mestmegnis af deginum er mælt með því að setja á sig sólarvörn á tveggja til þriggja tíma fresti. Þetta er ekki jafn mikilvægt ef unnið er innandyra allan daginn.“

Heiður Ósk og Ingunn eru með hlaðvarpið HI beauty og voru einnig þáttastjórnendur Snyrtiborðið með HI beauty, sem sýndir voru hér á Vísi.Vísir/Vilhelm

Hversu háa vörn þarf ég? 

„Margir velta því fyrir sér hvort að það sé nóg að nota farða eða dagkrem með SPF til að verja andlitið.  SPF er mælieining á það hversu lengi þú getur verið í sólinni án þess að verða fyrir skaða af UV geislum.

Þrátt fyrir að það sé SPF í förðunarvörum þá er alltaf mælt með því að setja á sig sólarvörn á undan farða, ef farðinn inniheldur SPF þá er litið á það sem plús.“

Taka skal fram að engin sólarvörn lokar á hundrað prósent af UVB geislum

  • “SPF15  „blokkar“ 93 prósent af UVB geislum.
  • SPF30  „blokkar“ 97 prósent af UVB geislum.
  • SPF50  „blokkar“ 98 prósent af UVB geislum.

Hvaða sólarvörn á ég að kaupa?

„Þegar farið er út í kaup á sólarvörn er mælt með að finna sér vörn sem ver þig gegn UVA & UVB geislum.“

Það er til mikið af sólarvörnum og allir ættu að geta fundið vörn sem hentar. Það reynist mörgum erfitt að finna sér góða sólarvörn fyrir andlitið sem er góð undir farða. Hér eru nokkrar sem HI beauty hefur prófað og gefur góð meðmæli.

  • Thank You Farmer Sun Project Water Sun Cream SPF50. Fæst á Cultbeauty.com.
  • La Roche Posey Anthelios Shaka Fluid SPF50+ Fæst í snyrtivörudeild Hagkaupa.
  • Supergoop Unseen Sunscreen SPF40. Fæst á Cultbeauty.com.

Tengdar fréttir






Fleiri fréttir

Sjá meira


×