Innlent

Fimm greindust innan­lands og einn utan sótt­kvíar

Atli Ísleifsson skrifar
91.893 eru nú fullbólusettir hér á landi og er bólusetning hafin hjá 79.483 til viðbótar.
91.893 eru nú fullbólusettir hér á landi og er bólusetning hafin hjá 79.483 til viðbótar. Vísir/Vilhelm

Fimm greindust með kórónuveiruna innan­lands í gær. Fjórir þeirra sem greindust voru í sóttkví en einn utan sóttkvíar.

Þetta kemur fram í uppfærðum tölum á síðunni Covid.is.

Í einangrun eru nú 40, en þeir voru 39 í gær. Í sóttkví eru 212, en voru 232 í gær. 1573 eru í skimunarsóttkví. Tveir eru á sjúkrahúsi vegna Covid-19, sami fjöldi og í gær.

Einn greindist á landamærum í gær þar sem niðurstöðu mótefnamælingar beðið í tilviki viðkomandi.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 9,3, en var 7,9 í gær. Nýgengi á smiti á landamærum er nú 2,2, líkt og í gær.

91.893 eru nú fullbólusettir hér á landi og er bólusetning hafin hjá 79.483 til viðbótar.

6.590 hafa nú greinst með kórónuveiruna hér á landi frá upphafi faraldursins í febrúar á síðasta ári. Af þeim sem greinst hafa með COVID-19 á Íslandi eru þrjátíu látin.

Alls voru tekin 937 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá voru 858 sýni tekin á landamærunum eða í seinni landamæraskimun og 988 í svokallaðri sóttkvíar- og handahófsskimun. 271 sýni var tekið í annarri skimun hjá Íslenskri erfðagreiningu.

Fréttin hefur verið uppfærð. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.