Lífið

Georg og Svan­hvít selja á Há­valla­götunni

Vésteinn Örn Pétursson skrifar
sigurros 4

Hjónin Georg Hólm, bassaleikari Sigur Rósar, og Svanhvít Tryggvadóttir hafa sett parhús sitt við Hávallagötu á sölu. Húsið er 212 fermetrar og með fasteignamat upp á tæpar 95 milljónir.

Samkvæmt fasteignavef Vísis er eignin á tveimur hæðum, ásamt kjallara. Aðalinngangur er á 1. hæð, þar sem komið er inn í flísalagða forstofu. Þá eru stofa og borðstofa með parketi á gólfi, en úr stofunni er gengið út á suðursvalir og þaðan niður í garð.

„Eldhúsið er með nýlegum sérsmíðuðum innréttingum, það var hannað af Studio Strik og flísum á gólfi, opið er úr eldhúsi yfir í borðstofu. Gengið er upp tepplagðan stiga upp á efri hæð, þar eru 3 rúmgóð svefnherbergi með parketi á gólfi og baðherbergi sem er flísalagt í hólf og gólf,“ segir meðal annars í lýsingu á eigninni.

Hér er hægt að nálgast nánari upplýsingar um húsið, auk mynda hér að neðan.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.