Jakob Örn: Klukkan hálf níu um morguninn er maður orðinn peppaður í leikinn

„Þetta er bara mikill léttir að þetta sé búið. Andlega er þetta búið að vera svakaleg sería,“ sagði Jakob eftir sigurinn gegn Val. „Fyrst og fremst léttir og gleði.“

Eins og gefur að skilja hefur Jakob hugsað um lítið annað en þetta einvígi síðustu daga.

„Í rauninni ekki. Maður er sjálfur alltaf að hugsa um þetta og svo eru allir sem maður hittir endalaust að tala um þetta. Ég fer með strákinn minn á leiksólann klukkan átta á morgnanna og það eru aðrir pabbar að koma inn með sín börn og þeir eru að peppa mig og spurja um leikinn þannig að bara klukkan hálf níu um morguninn er maður orðinn peppaður í leikinn. Þetta er bra búin að vera sturluð vika.“

Í valsliðinu eru margir fyrrum liðsfélagar Jakobs og hann segir að það hafi verið pínu skrýtið að mæta þeim.

„Auðvitað er þetta skrýtið en inni á vellinu gleymir maður þessu. Maður er bara í leiknum og það er svo mikil einbeiting og svo mikill tími sem hefur farið í að undirbúa sig að þetta gleymist allt einhvernveginn.“

„En á milli leikja er alltaf verið að tala um þetta og auðvitað fer maður sjálfur að hugsa um það að þetta er svolítið skrýtið að vera orðinn þetta gamall að spila á móti strákum sem maður var að spila með þegar maður var 12-13 ára gamall og upp úr.“

„Það var mjög auðvelt að gíra sig upp“

Benedikt Guðmundsson var einn af sérfræðingunum í setti, og hann hafði orð á því að hann hafi sjaldan séð lið jafn tilbúið í leik eins og KR liðið var alla þessa seríu. Jakob segir að það hafi alls ekki verið erfitt að gíra sig upp í leikina.

„Það var eiginlega á hinn bóginn, að reyna að halda svona góðu spennustigi. Það var mjög auðvelt að gíra sig upp.“ 

„Eins og ég segi voru allir að minna mann á þetta og allir að tala um þetta þannig að maður þurfti einhvernveginn að halda einbeitingu og halda spennustiginu réttu. Maður þurfti að einblína á það hvað við vorum að tala um fyrir leiki og hvað við ætluðum að gera skipulega séð.“

„Svo var það auðvitað að reyna bara að njóta þess að spila. Við töluðum mikið um það fyrir þennan leik að njóta þess og reyna að vera svolítið svona „loose“. Ég veit ekki hvernig það gekk upp, þetta var auðvitað rosalegur leikur og rosa spenna sem maður sogast inn í, en mér fannst okkur ganga nokkuð vel með það.“

Benedikt spurði Jakob síðan hvort að það væri ekki mikið spennufall eftir svona leik og hvort að það yrði kki krefjandi að koma sér aftur í gang fyrir næsta einvígi.

„Það verður auðvitað mjög krefjandi. Við þurfum bara einhvernveginn að finna mótiveringu. Það verður reyndar ekkert erfitt að finna mótiveringu því við viljum fara alla leið. Við erum ekkert hættir.“

„En þetta var það stór sería sem við vorum að ganga í gegnum og ég veit ekki hvort hún verði toppuð í úrslitakeppninni. Við sjáum til.“

„Það verður smá áskorun næstu tvo daga að koma sér aftur í gírinn og núllstilla sig. Það verður kannski ekki sama skipulag þannig að við þurfum að reyna að halda einbeitingu í því sem við ætlum að gera þar.“

„Hann hefur gefið íslenskum körfubolta ótrúlega mikið

Jón Arnór Stefánsson tilkynnti eftir leikinn að hann væri hættur í körfubolta. Jakob segir að 

„Hann er að mínu mati besti leikmaður sem Ísland hefur átt. Hann hefur sýnt það hérna í vetur og í úrslitakeppninni að hann er ennþá ógeðslega góður.“

„En maður veit alltaf að það kemur sá tími að menn hætta og það er missir af honum. Hann hefur gefið íslenskum körfubolta ótrúlega mikið.“

Viðtalið í heild sinni má sjá í spilaranum hér að ofan.

Domino's Körfuboltakvöld er uppgjörsþáttur Stöðvar 2 Sports um Domino's-deildir karla og kvenna í körfubolta og er á dagskrá öll föstudagskvöld. Upptökur af þættinum má nálgast á sjónvarpsvef Stöðvar 2. Domino's-deildin er hluti af Stöð 2 Sport Ísland.