Þrír greindust innan­lands

Þetta kemur fram í uppfærðum tölum á síðunni Covid.is.

39 eru nú í einangrun, en voru 38 í gær. 328 eru í sóttkví, en voru 101 í gær. 1.496 eru í skimunarsóttkví. Enginn er nú á sjúkrahúsi vegna Covid-19, en var einn í gær.

Þrír greindust á landamærum í gær þar sem tveir mældust með mótefni og er niðurstöðu mótefnamælingar beðið í tilviki þess þriðja.

87.815 eru nú fullbólusettir hér á landi og er bólusetning hafin hjá 81.755 til viðbótar.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 7,1, en var 7,6 á föstudag. Nýgengi á smiti á landamærum er nú 3,0, en var 2,7 á föstudag.

6.571 hafa nú greinst með kórónuveiruna hér á landi frá upphafi faraldursins í febrúar á síðasta ári. Af þeim sem greinst hafa með COVID-19 á Íslandi eru þrjátíu látin.

Alls voru tekin 780 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá voru 723 sýni tekin á landamærunum eða í seinni landamæraskimun og 581 í svokallaðri sóttkvíar- og handahófsskimun.

Fréttin hefur verið uppfærð.